Կանանց նկատմամբ ընտանեկան բռնության հետազոտություն․ վերլուծական զեկույց

Կանանց նկատմամբ ընտանեկան բռնության հետազոտությունը (ԿՆԸԲՀ) իրականացվել է Վիճակագրական կոմիտեի (ԱՐՄՍՏԱՏ), «Մարդկային զարգացման միջազգային կենտրոն» ՍՊԸ-ի (ՄԶՄԿ) և «ԱՄ Փարթնըրզ Քոնսալթինգ Քամփնի» ՍՊԸ-ի համագործակության շրջանակներում: Այս ծառայության մատուցումն իրականացվել է Վերակառուցման և զարգացման միջազգային բանկի (ՎԶՄԲ) կողմից ֆինանսավորվող Հայաստանի ազգային վիճակագրական համակարգի հզորացման ազգային ռազմավարական ծրագրի շրջանակներում։ԿՆԸԲՀ-ն նպատակ ուներ տվյալներ հավաքել կանանց նկատմամբ կիրառվող բռնության և առանձնապես  ընտանեկան բռնության վերաբերյալ, ինչը վերջին տարիներին Հայաստանում հատուկ ուշադրության արժանացած հարցերից է: Այն հնարավորություն է տվել գնահատել իրենց տնային տնտեսություններում (ՏՏ) կանանց նկատմամբ կիրառվող բռնության տարածվածությունն ըստ բռնության տեսակների, դրա հաճախականությունը և կանոնավորությունը, ինչպես նաև բացահայտել բռնարարի կողմից բռնության կիրառման պատճառները, բռնության ենթարկվածների ֆիզիկական, զգացմունքային և հոգեբանական հետևանքները։

Հայաստանի Հանրապետության Վիճակագրության Կոմիտե, Երևան, 2022