Հայաստան․ Համերաշխություն հանուն առողջապահության — Տեղեկատվական թերթիկ

Տեղեկատվական թերթիկ, որն ամփոփում է Եվրոպական միության կողմից «Համերաշխություն հանուն առողջապահության» նախաձեռնության շրջանակներում Հայաստանին տրամադրված աջակցությունը։ Նախաձեռնությունն իրենից ներկայացնում է ԱՀԿ-ի հետ իրականացվող երկամյա ծրագիր, որն ուղղված է COVID-19 համավարակին արձագանքմանն ու Արևելյան գործընկերության տարածաշրջանում դիմակայուն առողջապահական հատվածի ձևավորմանը:

Եվրոպական միության «Համերաշխություն հանուն առողջապահության» նախաձեռնությունը COVID-19-ի բռնկմանը համաեվրոպական արձագանքի մի մասն է, որն ուղղված է կարճաժամկետ անհետաձգելի կարիքների բավարարմանը, ինչպես նաև երկարաժամկետ կառուցվածքային ազդեցություններին՝ հատուկ ուշադրություն դարձնելով թույլ առողջապահական համակարգեր ունեցող առանձնահատուկ խոցելի երկրներին: Նախաձեռնությունն աջակցում է գործընկեր երկրներին՝ վիրուսի դեմ պայքարում, և օգնում է նրանց լավագույնս բավարարել առավել խոցելի մարդկանց կարիքները: