«ԵՄ արևելյան հարևաններ»-ը խոշորագույն տարածաշրջանային հաղորդակցական ծրագիր է, որն իրականացվում է «ԵՄ բաց հարևանություն. հաղորդակցություն հանուն Արևելյան հարևանության երկրների քաղաքացիների հետ գործընկերության ամրապնդման» ծրագրի շրջանակներում: Դրա նպատակն է նպաստել Եվրամիության հանրային ընկալման բարելավմանը և եվրոպական քաղաքականության ու Արևելյան գործընկեր երկրներում մարդկանց առօրյա կյանքի վրա դրա ազդեցության լավագույն ըմբռնմանը: Հաղորդակցության ուղղությամբ ԵՄ ռազմավարական մոտեցման մաս կազմող նախագիծը հատուկ ուշադրություն է դարձրել թափանցիկության, երկխոսության և փոխըմբռնման մշակույթի հաստատման վրա՝ ԶԼՄ-ների հետ սերտ համագործակցության, սոցիալական ցանցերում լսարանի հետ հաղորդակցության և «Երիտասարդ եվրոպական դեսպաններ» (ԵԵԴ) նախաձեռնության հետ քաղաքացիական ներգրավվածության միջոցառումներ կազմակերպելու միջոցով»:
Հատուկ նպատակներ
- Ներկայացնել ԵՄ աջակցության ազդեցությունը Արևելյան հարևանության երկրներում ապրող մարդկանց առօրյա կյանքի վրա: - Նպաստել ԵՄ քաղաքականության և դրան առնչվող մշակումների, ինչպես նաև Արևելյան գործընկեր երկրներում համագործակցության գործողությունների վերաբերյալ տեղեկացվածության և ըմբռնման բարելավմանը: - Ամրապնդել հաղորդակցության նկատմամբ ռազմավարական մոտեցումը և զարգացնել տարածաշրջանում իրենց հանրային դիվանագիտական ջանքերի շրջանակում ԵՄ աջակցությունն իրականացնող շահառուների և գործակալությունների կարողությունները: - Չափել արևելյան գործընկեր երկրներում ԵՄ-ի աջակցությունը և, ըստ հնարավորության, մշտադիտարկել հանրային ընկալումը:
Ակնկալվող արդյունքներ
- ԵՄ-ի և արևելյան գործընկեր երկրներին վերջինիս աջակցության վերաբերյալ ընկալման բարելավում: - Արևելյան գործընկեր երկրներում հանրային կարծիքի առաջատարների և հասարակության լայն շերտերի հատուկ խմբերի շրջանում ԵՄ քաղաքականության և զարգացման ու համագործակցության ծրագրերի / նախագծերի (երկկողմ, տարածաշրջանային և անդրսահմանային) վերաբերյալ իրազեկվածության բարձրացում: - «Ուժեղ ենք միասին» թեմատիկ հաղորդակցական արշավի շրջանակում ԵՄ-ի հաղորդագրությունների ընդգրկման մեծացում՝ լրատվամիջոցների, սոցիալական ցանցերի և հանրային դիվանագիտության գործողությունների միջոցով: - ԵՄ հաստատություններին և գործակալություններին (Եվրոպական հանձնաժողովի գլխամասային գրասենյակ, ԵՄ պատվիրակություններ և ԵՄ կողմից ֆինանսավորվող ծրագրեր) արդյունավետ ռազմավարական հաղորդակցման աջակցություն՝ տարածաշրջանում ԵՄ հաղորդագրությունների տարածման և ազդեցության բարձրացման միջոցով: - «Երիտասարդ եվրոպական դեսպանների» դինամիկ ցանցի միջոցով հասարակության իրազեկման գործողություններին նպաստում: - «ԵՄ արևելյան հարևաններ» ծրագրի արդյունավետ և բովանդակությամբ հարուստ կայքէջ՝ իր օպերատիվ և արագ լուրերի ծանուցման համակարգով: - «EUDIGITOOL» լիարժեք գործող ներքին հաղորդակցման հարթակ, որը կնպաստի ԵՄ հաղորդակցական մոտեցմանը: - Հանրային կարծիքի քանակական և որակական ուսումնասիրություններ՝ իրականացված և հրապարակված 2015-2020 թթ. ընթացքում:
Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը: