"Aİ-nin Şərq Qonşuları" (EU NEIGHBOURS east”) layihəsi "Aİ-nin Açıq Qonşuluq: Şərq Tərəfdaşlığı ölkələrinin vətəndaşları ilə tərəfdaşlığın möhkəmləndirilməsi məqsədilə kommunikasiya” proqramı çərçivəsində həyata keçirilən ən böyük regional kommunikasiya layihəsidir. Bu layihənin məqsədi Aİ haqqında ictimai rəyin yaxşılaşdırılmasına töhfə vermək və Avropa siyasətləri, eləcə də Şərq Tərəfdaşlığı ölkələrindəki insanların gündəlik həyatlarında Aİ-nin dəstəyinin müsbət təsiri haqqında daha geniş təsəvvür formalaşdırmaq olmuşdur.
Aİ-nin kommunikasiya sahəsində strateji yanaşmasına uyğun olaraq layihədə kütləvi informasiya vasitələri ilə sıx əməkdaşlıq, sosial mediada auditoriya ilə ünsiyyətin qurulması və Gənc Avropa səfirləri (YEA) təşəbbüsü ilə vətəndaş cəmiyyətinin cəlb olunmasına yönəlmiş tədbirlərin təşkili yolu ilə şəffaflıq, dialoq və qarşılıqlı anlaşma mədəniyyətinin qurulması məsələləri diqqət mərkəzində olmuşdur.
Konkret məqsədi
- Şərq Qonşuluğu regionunda yaşayan insanların gündəlik həyatlarında Aİ-nin dəstəyinin təsirini göstərmək. - Aİ-nin siyasətləri və onların əlaqəli inkişafı, eləcə də Şərq Tərəfdaşlığı ölkələrində əməkdaşlığa dair fəaliyyətlər ilə bağlı bilik və təsəvvürün yaxşılaşdırılmasına töhfə vermək. - Kommunikasiya sahəsində strateji yanaşmanı gücləndirmək və regionda ictimai diplomatiya istiqamətində görülən səylər baxımından Aİ-nin dəstəyindən yararlanan benefisiarların və qurumların potensialını artırmaq. - Təmin edilən dəstəyi ölçmək və müvafiq hallarda Şərq Tərəfdaşlığı ölkələrində Aİ haqqında ictimai rəyin qiymətləndirilməsi.
Gözlənilən nəticələr
- Aİ və onun Şərq Tərəfdaşlığı ölkələrinə dəstəyi haqqında müsbət ictimai rəy və daha geniş təsəvvür formalaşdırılıb. - İctimai rəyin formalaşmasında rol oynayan orqanlar və Şərq Tərəfdaşlığı ölkələrində Aİ-nin siyasətləri, inkişaf və əməkdaşlıq proqramları və ya layihələri (ikitərəfli, regional və transsərhəd) haqqında geniş ictimaiyyətin konkret seqmentləri arasında məlumatlılıq artırılıb. - Kütləvi informasiya vasitələri, sosial media və "Birlikdə daha güclü" şüarı ilə keçirilən tematik kommunikasiya kampaniyaları çərçivəsində həyata keçirilən ictimai diplomatiya fəaliyyətləri vasitəsilə Aİ-nin mesajları daha böyük kütləyə çatdırılıb. - Regionda Aİ-nin mesajlarının daha böyük kütləyə çatdırılması və təsirinin artırılması vasitəsilə Aİ-nin rəsmi qurumları və agentliklərinə (Avropa Komissiyasın Baş Qərargahı, Aİ Nümayəndəlikləri və Aİ-nin maliyyələşdirdiyi layihələr) səmərəli strateji kommunikasiya dəstəyi təmin edilib. - Gənc Avropa səfirlərindən ibarət fəal gənclər şəbəkəsi ictimaiyyətin məlumatlılığının artırılmasına yönəlmiş fəaliyyətlərə töhfə veriblər. - Operativ və çevik xəbərlər sisteminə malik "Aİ-nin Şərq Qonşuları" layihəsinin səmərəli və məzmun cəhətdən zəngin internet səhifəsi. - Aİ-nin kommunikasiya sahəsindəki yanaşmasına töhfə verəcək tam gücü ilə fəaliyyət göstərən daxili kommunikasiya platforması olan "EUDIGITOOL". - 2015-2020-ci illər ərzində aparılan və təqdim olunan kəmiyyət və keyfiyyət xarakterli rəy sorğuları.
Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.