Зоўі Портэр
Незалежная кансультантка ў галіне навінавага кантэнту Лондан, Велікабрытанія
Зоўі больш за 30 гадоў працавала ў сферы інфармацыі, у апошні час – на кіруючых пасадах у брытанскай медыякампаніі Бі-бі-сі. У якасці старэйшага рэдактара яна кіравала каналам міжнародных навінаў на Бі-бі-сі, карпунктамі ў Сінгапуры і Вашынгтоне, а таксама вяла адну з найбольш папулярных праграм Бі-бі-сі “TV Breakfast Show” у Вялікабрытаніі. Яна займалася лічбавым развіццём ва ўсіх службах міжнародных навінаў і кіравала запускам першых кароткіх навінных выпускаў Бі-бі-сі на мабільных прыладах. Яна таксама мае досвед кіраўніцтва рэдакцыяй у перыяд пераходу на новыя фарматы, бо адыгрывала вядучую ролю ў праектах, звязаных з развіццём, у кампаніі Бі-бі-сі. У якасці медыякансультанта яна дапамагае арганізацыям, якія працуюць з навінамі, у пытаннях пераходу на лічбавыя тэхналогіі і працэсаў рэарганізацыі рэдакцыі. На працягу сваёй кар’еры яна працавала рэпарцёрам і тэлевядучай, а таксама адказвала за падрыхтоўку да рэалізацыі і трансляцыю гарачых навінаў з месца падзей і ў жывым эфіры ў студыі.
Наталля Мумладзе
Дырэктар аддзелу навінаў Palitra Media, Тбілісі, Грузія
Наталля больш за дзесяць гадоў кіруе мультымедыйным аддзелам навінаў у найбуйнейшым СМІ Грузіі “Палітра Медыя”. Дзякуючы яе досведу рэдакцыя дала жыццё шматлікім навінавым і нішавым парталам, якія маюць самы высокі ахоп аўдыторыі па краіне. Галоўнай мэтай Наталлі як кіраўніка аддзела навінаў было стварэнне сучаснай і зручнай працоўнай прасторы для сумеснай працы розных медыякаманд разам з падтрыманнем фінансавай устойлівасці арганізацыі. Да працы на гэтай пасадзе Наталля была тэлепрадзюсарам і журналістам, і гэты вопыт дапамагае ёй лепш разумець патрэбнасці медыякаманд, а таксама значнасць якаснай і інавацыйнай журналістыкі.
2. Указанні адносна структуры рэдакцыі навінаў
Гэта прыклады структур арганізацыі, якія могуць спатрэбіцца кіраўнікам, якія вывучаюць магчымасць рэарганізацыі рэдакцыі, каб пашырыць працу з мультымедыя.
Яны ўяўляюць сабой наглядныя дапаможнікі, якія можна адаптаваць і якія дапамогуць лідарам распрацаваць прыдатную структуру ў адпаведнасці з уласнымі рэсурсамі і прыярытэтамі.
Схемы арганізацыі працы
- Шаблон для буйнейшага мультымедыйнага аддзела навінаў
- Спрошчаны шаблон для невялікага мультымедыйнага аддзела навінаў
Тлумачэнне
У гэтай мадэлі для вялікай кампаніі, што працуе з навінамі, ёсць асобныя рэдактары для сайта/сацыяльных сетах, тэлебачання і радыё. Службовыя інструкцыі ў наступнай частцы дадуць больш інфармацыі пра тое, як можна працаваць у рамках гэтых роляў, напрыклад, мультымедыйныя журналісты могуць вырабляць кантэнт для ўсіх платформаў пад назіраннем рэдактараў, ці яны могуць сумяшчаць дзве ролі і працаваць у якасці аператара і журналіста.
На сайтах будуць спецыялізаваныя старонкі, напрыклад, “Навіны”, “Спорт”, “Аналітыка”, “Жанчыны”, “Стыль жыцця” і “Відэа” (магчыма, жыццёвыя гісторыі). Некаторыя з гэтых матэрыялаў таксама выклікаюць цікавасць у сацыяльных сетках і на іншых платформах.
У некаторых рэдакцыях ёсць выключна навінная каманда, якая складаецца з журналістаў, якія працуюць з мультымедыя. Яны пішуць артыкулы і матэрыялы, якія прадаюць вонкавым медыякампаніям. Гэтыя журналісты могуць працаваць і ў іншых галінах, напрыклад, звязаных з радыётрансляцыяй.
Аналітык даных адсочвае наведвальнасць і аўдыторыю розных платформ і інфармуе рэдактараў навін, каб тыя ведалі, якія матэрыялы добра чытаюцца ці праглядаюцца. Гэтую інфармацыю можна перадаваць ва ўсе падструктуры навіннага аддзела; яна можа дапамагчы ў прыняцці рэдакцыйных рашэнняў датычна нязвязаных платформаў (напрыклад, тэлебачання).
У рэдакцыі навін можа быць спецыяльнае падраздзяленне прадзюсараў/стваральнікаў натыўнага кантэнту, якія распрацоўваюць платны кантэнт для Інтэрнэту або сацыяльных сетак разам з рэкламнай камандай і з рэдактарамі навінаў.
У буйной медыяарганізацыі ёсць рэкламная, кадравая і тэхнічная каманды, якія падтрымліваюць працу ўсёй кампаніі.
Каманда тэхнічных спецыялістаў працуе ва ўсіх сферах дзейнасці кампаніі (штодзённы выхад матэрыялаў, планаванне і інавацыі, абнаўленне ўэб-сайтаў і любыя іншыя напрамкі развіцця).
Аддзел кадраў (HR) аказвае падтрымку кіраўніцтву ў найме і навучанні персаналу, а таксама арганізуе аплату працы і кантракты, удзельнічае ў распрацоўцы правіл для супрацоўнікаў (дэкрэтныя выплаты і кар’ерны рост). Яны могуць працаваць з рэдактарамі дзеля забеспячэння прынцыпаў роўнасці на працы.
Некаторыя буйныя арганізацыі могуць разгледзець магчымасць стварэння ўласнай праграмы навучання для пошуку новых талентаў, напрыклад, 12-месячная праграма Palitra Media па прыцягненню стажораў з сацыяльных сетак, некаторыя з якіх застаюцца працаваць журналістамі.
Камунікацыя – гэта важная вобласць, якую неабходна ўлічваць, і некаторыя вялікія кампаніі наймаюць спецыяліста па камунікацыі. Калі ж не, то менеджэры могуць забяспечыць перадачу важнай інфармацыі ўсім супрацоўнікам рознымі шляхамі. Ім таксама трэба даць супрацоўнікам магчымасць без перашкодаў заяўляць пра свае ідэі кіраўнікам і гарантаваць, што яны могуць спакойна пагаварыць з кімсьці пра любыя праблемы, з якімі яны сутыкаюцца ў працы.
Тлумачэнне
У гэтай мадэлі прадугледжваецца значна меншая каманда мультымедыйных журналістаў, якія працуюць як на сайце, так і ў сацыяльных сетках. У залежнасці ад памеру рэдакцыі можа спатрэбіцца некалькі рэдактараў ўэб-сайтаў, але адзін рэдактар навінаў можа адсочваць увесь кантэнт і кіраваць усімі журналістамі.
Хоць рэдакцыя і невялікая, але ёй усё роўна патрэбен аналітык дадзеных для маніторынгу трафіку, можна стварыць невялікую службу навінаў, а таксама наняць аўтара натыўнага кантэнту, каб павялічыць прыбыткі.
У рэдакцыі могуць быць менеджэр па персанале, супрацоўнікі тэхнічнай падтрымкі і рэкламы, якія працуюць разам з усімі журналістамі. Кадравымі пытаннямі (наём, кантракты і развіццё персаналу) будзе займацца менеджэр навінавага аддзела.
Абмен відэа і тэкставымі матэрыяламі – ключавы элемент структуры; уся інфармацыя павінна быць даступная іншым журналістам і рэдактарам, а многія cюжэты трэба адаптаваць для розных платформаў, каб максімізаваць іхнія уздзеянне і ахоп.
Прыклады патрабаванняў да выканання працы
У гэтым раздзеле прыводзяцца прыклады патрабаванняў да выканання працы, каб паказаць, як іх можна напісаць, і дапамагчы растлумачыць, што можа ўключаць у сябе кожная пасада. Патрабаванні можна зменяць у адпаведнасці з патрабаваннямі вашай рэдакцыі.
Карысна мець службовыя інструкцыі і кантракты пры найме супрацоўнікаў ці змене іхніх роляў, каб і супрацоўнік, і працадаўца выразна разумелі, чаго ад іх чакаюць.
Інструкцыі таксама могуць дапамагчы вам наняць лепшага кандыдата на гэтае месца, калі вы пераканаліся, што ён адпавядае ключавым патрабаванням да кваліфікацыі, якія вы вызначылі загадзя.
- Шаблоны ўключаюць кароткую службовую інструкцыю, навыкі, неабходныя для гэтай ролі, а таксама падказку наконт гадзінащ працы і заробкавыя “відэльцы”.
- Тут прадстаўленыя шаблоны для супрацоўнікаў ніжэйшага і вышэйшага звяна (рэдактар па рэализацыі кантэнту мультымедыя, карэспандэнт, які працуе з мультымедыя, прадзюсер сацыяльных сетак і прадзюсер, які займаецца аналізам дадзеных).
- Таксама ёсць патрабаванні да спецыялістаў-нежурналістаў у маркетынгу і продажах рэкламы, якія працуюць разам з рэдакцыяй.
- Ва ўсіх інструкцыях згадваюцца “Асноўныя прынцыпы рэдакцыі” вашай кампаніі. Гэта набор вядучых прынцыпаў, якія можа напісаць кіраўніцтва і прадставіць усім супрацоўнікам, каб дапамагчы ім працаваць у адпаведнасці з пастаўленымі мэтамі. Яны вызначаюць інфармацыйныя каштоўнасці вашай арганізацыі і могуць абнаўляцца па меры развіцця СМІ (г.зн. инструкцыя па сацыяльных сетках, хутчэй за ўсё, будзе мяняцца паралельна з развіццём тэхналогій).
Канкрэтны прыклад – Мультымедыйны аддзел навінаў Palitra Media
Palitra Media – паспяховая медыяарганізацыя з Тбілісі (Грузія), якая выдае газету (друкаваныя СМІ), а таксама забяспечвае функцыянаванне тэле- і радыёстанцый, вэб-сайтаў і сацыяльных сетак (у асноўным, профіляў у Facebook).
Схема арганізацыі працы паказвае, як гэта СМІ змагло пераарыентаваць сваю вэб-каманду на працу ў сацыяльных сетках і лічбавай журналістыцы.
У кампаніі ёсць мультымедыйныя журналісты, якія заняты на розных платформах.
- Чаго я чакаю ад майго працадаўцы і чаму я абіраю тут працаваць – журналістка, якая займаецца мультымедыйнай працай, распавядае, што шукае ў працы і што прымушае яе заставацца з працадаўцам на канкурэнтным рынку.
(Саламе Абулашвілі, мультымедыйная журналістка, Тбілісі, Грузія) - Як наймаць патрэбных людзей у эпоху мультымедыя – рэдактарка тлумачыць, якую палітыку трэба правесці, каб атрымаць лепшы персанал, і каб наняць патрэбных людзей у лічбавую эпоху
(Ліз Гібонс, выканаўчы рэдактар навін BBC World service, Лондан, Вялікабрытанія) - Як будуць выглядаць наступныя 5 гадоў у навінах? Старэйшы кіраўнік вядучай арганізацыі міжнародных навін распавядае нам, якія важныя падзеі адбываюцца ў навінах і на чым трэба факусавацца.
(Дамінік Бол, намеснік дырэктара па навінавым кантэнце, BBC News, Лондан, Вялікабрытанія) - Як зарабляць на журналістыцы ?.. Старэйшы рэдактар навінаў распавядае пра тое, як можна ўрэгуляваць канфлікт паміж манетызацыяй журналістыкі і рэдакцыйным кантролем.
(Філіпс Ластаўішкіс, галоўны рэдактар сайта Delfi, Рыга, Латвія) - Як прымусіць гендэрную роўнасць працаваць на вас. Даследчык тлумачыць, як кампаніі могуць зрабіць больш у галіне правоў мацярынства/бацькоўства і чаму гэта прынясе карысць ім, а таксама супрацоўнікам.
(Давіт Кешелава – старшы навуковы супрацоўнік ISET Policy Institute) - Парады вышэйшага кіраўніцтва па кіраванні мультымедыйнай рэдакцыяй – рэдактарка распавядае аб тым, чаму яна навучылася, заняўшыся мультымедыя і кіруючы рэдакцыяй.
(Наталля Мумладзэ, дырэктар аддзелу навінаў Palitra Media, Тбілісі, Грузія)
Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных. © European Union,
