«ԵՄ-ն՝ բիզնեսի համար. Խորհրդատվություն փոքր բիզնեսին» ծրագիրը «Արևելյան գործընկերության տարածաշրջանում փոքր բիզնեսին աջակցության» ծրագրի շարունակությունն է: Այն Արևելյան գործընկերության (ԱլԳ) երկրների փոքր և միջին ձեռնարկություններին (ՓՄՁ) օգնում էր բարելավել իրենց մրցունակությունը և արտաքին ֆինանսավորում ներգրավելու ունակությունը:

Աջակցությունը տրամադրվում էր ավագ մենեջերների ֆինանսական գրագիտության մակարդակի բարձրացման և նրանց ընկերությունների համար բիզնեսի աջակցման բարձրակարգ ծառայությունները հասանելի դարձնելու, բոլոր ոլորտներում կառավարման կարողությունների բարձրացման և տեղական խորհրդատվական շուկայի կարողությունների զարգացման միջոցով:

- Գործարար խորհրդատվություն և ոլորտային գիտելիքների տրամադրում.
- Աջակցություն ԱլԳ երկրներում կենսունակ ՓՄՁ-ների տնտեսական անցմանը և ձեռնարկատիրական փոփոխություններին.
- Աջակցություն նշված երկրներում ԽՀԱԱԳ-ի հետ կապված գործունեությանը.
- ՓՄՁ-ներին խորհրդատվական ծառայությունների մատուցում:

- Տեղական գործարար խորհրդատվական ծառայությունների ամրապնդում.
- Ընկերությունների նախապատրաստում ներդրումների համար.
- Տեղական գործարար խորհրդատվական ծառայությունների ենթակառուցվածքի ամրապնդում և կայունության բարձրացում.
- ՓՄՁ-ների ֆինանսավորման հնարավորությունների բարելավում և աջակցություն ստացած ՓՄՁ-ների մրցունակության բարձրացում: