«ԵՄ-ն՝ բիզնեսի համար. Արևելյան ներդրումներ»-ը (EU4Business-East Invest) տարածաշրջանային առևտրի դյուրացման ծրագիր է: Այն ուղղված էր նպաստելու Արևելյան գործընկերության (ԱլԳ) տարածաշրջանի տնտեսական զարգացմանը և նրա գործարար միջավայրի բարելավմանը: Այն նպաստել է ԱլԳ երկրներում և ԵՄ-ում մասնակցող փոքր և միջին ձեռնարկությունների (ՓՄՁ) միջազգայնացման գործընթացին: Ծրագիրը մշակել է օտարերկրյա ուղղակի ներդրումների նոր հոսքերի խրախուսման մեխանիզմներ, ամրապնդել է ԵՄ-ի և Արևելյան գործընկերության երկրների միջև, ինչպես նաև հենց արևելյան գործընկեր երկրների շրջանում ներդրումների խթանման գործընթացը՝ նպաստելով տարածաշրջանում առևտրի զարգացմանը:

- ԵՄ և ԱլԳ երկրների ՓՄՁ-ների միջև գործընկերություններ նախաձեռնելու համար հանդիպումների կազմակերպում, ներառյալ մասնակցությունը տարածաշրջանային տոնավաճառներին.
- EAST-NET-ի շրջանակներում ՓՄՁ-ներին տեխնիկական աջակցության տրամադրում` դրանց կապերի հաստատման և առևտրային կոմպետենցիաներն ու հնարավորությունները բարելավելու համար.
- EAST-NET-ի շրջանակներում գործարար միջնորդներին տեխնիկական աջակցության տրամադրում` ընդլայնելով նրանց ցանցային ՓՄՁ-ներին աջակցելու կարողություններն ու հնարավորությունները.
- EAST-NET-ի շրջանակներում պետական հատվածի առանձին մարմիններին տեխնիկական աջակցության տրամադրում՝ Արևելյան ներդրումների ամբողջ տարածաշրջանում ՓՄՁ-ների համար առավել նպաստավոր բիզնես միջավայր ստեղծելու կարողությունների զարգացման համար:

- Պետություն-մասնավոր երկխոսության ամրապնդում, մասնավորապես` ՓՄՁ-ներին, գործարար միջնորդներին և պետական հատվածի գործարար միջնորդներին ցանցային մեխանիզմներում ինտեգրելու միջոցոցով.
- Աջակցություն ԵՄ և ԱլԳ ընկերությունների միջև առաջավոր փորձի փոխանակմանը և փոխադարձ կապերի ամրապնդմանը՝ գործարար համագործակցության համաձայնագրերի ստորագրման, փոխադարձ առևտրի, տեխնոլոգիաների փոխանցման, ինչպես նաև մաքսային ընթացակարգերի, արտադրանքի ստանդարտների և ներդրումների հետ կապված խնդիրների լուծման նպատակով.
- ԱլԳ տարածաշրջանի երկրներում ՓՄՁ-ների աջակցման կազմակերպությունների կարողությունների զարգացում՝ նպաստելու ՓՄՁ ոլորտում համագործակցության ամրապնդմանն ու առևտրի զարգացմանը.
- ՓՄՁ աջակցության ցանցերի համախմբում և ստեղծում ինչպես ԱլԳ տարածաշրջանում (EAST-NET), այնպես էլ ԵՄ-ում (EURONET):