"EU4Business-East Invest" ticarətin asanlaşdırılması üzrə regional layihədir. Layihə Şərq Tərəfdaşlığı (ŞT) regionunun iqtisadi inkişafı və işgüzar mühitinin təkmilləşməsinə töhfə verir. Layihə həmçinin Şərq Tərəfdaşlığı ölkələrində və Aİ-də fəaliyyət göstərən və layihəyə qoşulan kiçik və orta ölçülü müəssisələrin (KOB) beynəlmiləlləşmə prosesini asanlaşdırır. Layihə çərçivəsində birbaşa xarici investisiyaların yeni axınının stimullaşdırılması mexanizmləri işlənib hazırlanacaq. Aİ ilə Şərq Tərəfdaşlığı ölkələri, eləcə də Şərq Tərəfdaşlığı ölkələrinin özləri arasında cari investisiyaların təşviqi prosesi gücləndirilərək regionda ticarətin genişlənməsinə imkan yaranacaq.

- Regional sərgilərdə iştirak daxil olmaqla, tərəfdaşlığa təşəbbüs göstərmək məqsədilə Aİ və ŞT ölkələrinin KOB-ları arasında zəruri əlaqələrin qurulması üzrə görüşlərin təşkili.
- KOB-ların şəbəkələşmə və ticarət səriştəsini və imkanlarını artırmaq üçün EAST-NET çərçivəsində KOB-lara texniki dəstəyin (TD) göstərilməsi.
- EAST-NET daxilində biznes fasilitatorlarına texniki dəstəyin təmin edilməsi, şəbəkəyə üzv KOB-ların dəstəklənməsində onların imkan və bacarıqlarının gücləndirilməsi.
- Bütöv East-İnvest regionunda KOB-lar üçün daha əlverişli işgüzar mühitin yaradılması məqsədilə onların imkanlarını artırmaq üçün EAST-NET çərçivəsində seçilmiş dövlət sektoru nümayəndələrinə texniki dəstəyin göstərilməsi.

- Xüsusən KOB-ların, biznes fasilitatorların və dövlət sektorundan seçilmiş KOB-lar üzrə fasilitatorların şəbəkə mexanizmlərinə inteqrasiyası yolu ilə dövlət və özəl sektor arasında dialoqun gücləndirilməsi.
- İşgüzar əməkdaşlıq, qarşılıqlı ticarət, texnologiyaların ötürülməsi, gömrük prosedurları, məhsul standartları və investisiyalar üzrə sazişləri təşviq etmək üçün Aİ və ŞT şirkətləri arasında qabaqcıl təcrübələrin və əlaqələrin mübadiləsinin asanlaşdırılması.
- KOB şəbəkələrini təkmilləşdirmək və ticarəti təşviq etmək üçün Şərq Tərəfdaşlığı regionundan KOB-lara dəstək təşkilatlarının potensialının artırılması.
- Həm ŞT regionu (EAST-NET), həm də Aİ-də (EURONET) KOB-lara dəstək şəbəkəsinin yaradılması və möhkəmləndirilməsi.