აღმოსავლეთ პარტნიორობის სამოქალაქო საზოგადოების მექანიზმი პოპულარიზაციას უწევდა სამოქალაქო საზოგადოების აქტორების როლს ინოვაციების საშუალებით, რომელიც დამყარებულია ე-სწავლაზე, ციფრული მეთოდების განვითარებაზე საჯარო სექტორის ანგარიშვალდებულების გასაუმჯობესებლად, თანამშრომლობაზე და ქსელურ აქტივობაზე სამოქალაქო საზოგადოებას და მთავრობას შორის მთელ რეგიონში. ეს პროექტი იყო დამატებითი დახმარება ევროკავშირის მხრიდან სამოქალაქო საზოგადოებრივი ორგანიზაციების ფინანსურ მხარდაჭერაზე, და მან ჩამოაყალიბა თანამშრომლობა სამოქალაქო საზოგადოების ორმხრივ და რეგიონულ ინიციატივებს შორის.

ამ პროექტის მიზანი იყო სამოქალაქო საზოგადოების როლის გაძლიერება და მხარდაჭერა იმ რეფორმებსა და დემოკრატიულ ცვლილებებში, რომლებიც აღმოსავლეთ პარტნიორობის ქვეყნებში მიმდინარეობს.

პროექტი ხუთი კომპონენტისგან შედგებოდა:
1) კარტირების კვლევები პარტნიორობის ქვეყნებში სამოქალაქო საზოგადოებრივი ორგანიზაციების საქმიანობის და მათ პრობლემების უკეთ გასაგებად.
2) ე-სწავლო კურსები და ვებინარები ტექნიკური ცოდნის გაღრმავების მიზნით სამოქალაქო საზოგადოების პოტენციალის და ადგილობრივ დონეზე მისი გავლენის გასაძლიერებლად.
3) ჰაკათონები საინფორმაციო და საკომუნიკაციო ტექნოლოგიების (ICT) ახალი საშუალებების განვითარებისთვის სამოქალაქო საზოგადოების ციფრული ჩართულობის გასაძლიერებლად შემდეგი მიზნებით: მონაცემთა შეკრება და ანალიზი, სამთავრობო გადაწყვეტილებების და ხარჯების გამჭვირვალობის და ამ საკითხებზე კომუნიკაციის გაუმჯობესება, გადაწყვეტილების მიღების პროცესებში უფრო ფართო მონაწილეობის მხარდასაჭერად.
4) კომუნიკაციის გაუმჯობესება სამოქალაქო საზოგადოების ეფექტიანი საქმიანობის საკითხებზე, სამოქალაქო საზოგადოების საქმიანობის იმიჯის და კომუნიკაციის უნარის გასაუმჯობესებლად.
5) სამოქალაქო საზოგადოების სტიპენდიები მომავალი ლიდერებისთვის ძირითად სექტორებში იმისათვის, რომ ისინი იქცნენ ცვლილებების მამოძრავებელ ძალად.