Фонд грамадзянскай супольнасці Усходняга партнёрства спрыяе павышэнню ролі суб'ектаў грамадзянскай супольнасці з дапамогай інавацыяў, заснаваных на дыстанцыйным навучанні, распрацоўцы лічбавых рашэнняў для паляпшэння падсправаздачнасці дзяржаўнага сектару, супрацоўніцтве і наладжванні сувязяў паміж грамадзянскай супольнасцю і ўрадамі па ўсім рэгіёне. Сваёй дзейнасцю Фонд дапаўняе фінансавую падтрымку на карысць арганізацыяў грамадзянскай супольнасці і стварае сінэргію паміж двухбаковымі і рэгіянальнымі ініцыятывамі ў інтарэсах грамадзянскай супольнасці.

Мэта праекту - умацаванне і прасоўванне ролі грамадзянскай супольнасці падчас рэфармавання і дэмакратычных зменаў, якія адбываюцца ў краінах Усходняга партнёрства.

Праект складаецца з пяці кампанентаў:
1) Даследаванні для лепшага разумення арганізацыяў грамадзянскай супольнасці ў краінах-партнёрах і іх праблемаў.
2) Курсы электроннага навучання і вэбінары для ўмацавання патэнцыялу грамадзянскай супольнасці і ўплыву на мясцовым узроўні.
3) Хакатоны па распрацоўцы новых інструментаў ІКТ для пашырэння магчымасцяў лічбавага ўдзелу грамадзянскай супольнасці ў зборы і аналізе дадзеных, павышэння празрыстасці і інфармавання пра рашэнні і выдаткі дзяржаўных органаў, каб забяспечыць больш шырокі ўдзел у працэсах прыняцця рашэнняў.
4) Паляпшэнне камунікацыі для высокаэфектыўнай працы грамадзянскай супольнасці, каб палепшыць імідж працы грамадзянскай супольнасці і асвятленне яе дзейнасці.
5) Стыпендыі грамадзянскай супольнасці для будучых лідараў у ключавых сектарах дзеля спрыяння пераменам.