რეგიონული პროექტი ხელს შეუწყობს იმ სისტემური ბარიერების წინააღმდეგ ბრძოლასა და აღმოფხვრას, რომლებსაც ქალები აწყდებიან მართლმსაჯულებაზე წვდომისას. ეს მოიცავს როგორც სამართლებრივ, ისე ინსტიტუციურ გამოწვევებს, ასევე სოციალურ-კულტურულ ბარიერებს, რომლებიც გენდერული მიკერძოების სახით ვლინდება აღმოსავლეთ პარტნიორობის ქვეყნების მართლმსაჯულების სისტემებში.

პროექტი ხორციელდება ევროკავშირისა და ევროპის საბჭოს ერთობლივი პროგრამის - პარტნიორობა კარგი მმართველობისათვის - მესამე ფაზის ფარგლებში. იგი ეყრდნობა ამავე პროგრამის პირველი და მეორე ფაზების შედეგებს, ქალთა მართლმსაჯულებაზე ხელმისაწვდომობისა და ქალთა მიმართ ძალადობის წინააღმდეგ ბრძოლის სფეროში (I ფაზა: 2015-2018; II ფაზა 2019-2023).

ქალებისთვის მართლმსაჯულების ხელმისაწვდომობის განმტკიცება, ქალთა მიმართ ძალადობისა და ოჯახში ძალადობის პრევენციისა და
აღკვეთის შესახებ ევროპის საბჭოს კონვენციის (სტამბოლის კონვენცია) შესაბამისად.

1. აღმოსავლეთ პარტნიორობის ქვეყნებში მართლმსაჯულების სისტემის გენდერული მგრძნობიარობის გაუმჯობესება და ძალადობის მსხვერპლი ქალებისთვის მართლმსაჯულების ხელმისაწვდომობის განმტკიცება, განსაკუთრებით სამართლის სფეროს სპეციალისტების უნარების გაუმჯობესების და გენდერული მგრძნობიარობის გაღვივებით, ასევე

2. ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ ევროპის საბჭოს კონვენციის (სტამბოლის კონვენცია) ცნობადობის ამაღლება და რატიფიცირების მხარდაჭერის გაზრდა.

პროექტის მოსალოდნელი შედეგებია:


1. აღმოსავლეთ პარტნიორობის ქვეყნებში სამართლის სფეროს სპეციალისტებისათვის მართლმსაჯულებაზე ქალთა წვდომის ბარიერების აღმოფხვრის გზების შესახებ ცოდნის მიწოდება, რათა მართლმსაჯულების ჯაჭვი გენდერულად უფრო მგრძნობიარე გახდეს.
2. სამოქალაქო საზოგადოების ორგანიზაციებთან თანამშრომლობით, სამართლის სკოლებისათვის მექანიზმების დანერგვა, გენდერულად უფრო მგრძნობიარე მართლმსაჯულების ჯაჭვის უზრუნველსაყოფად.
3. მოსამართლეთა სასწავლო დაწესებულებების რეგიონული ქსელის განვითარება, რათა მოიშალოს და აღმოიფხვრას ინსტიტუციური ბარიერები მართლმსაჯულების თანაბარ ხელმისაწვდომობაზე.
4. პარტნიორებთან მრავალმხრივი დიალოგის და ცნობიერების ამაღლების გზით ინდიკატორების ჩამოყალიბება, რომლებიც თავის მხრივ გამოყენებული იქნება მართლმსაჯულებაზე საყოველთაო ხელმისაწვდომობის ხარისხის შესაფასებლად.