პროექტმა ხელი შეუწყო სტრუქტურული რეფორმების დიზაინს და განხორციელებას აღმოსავლეთ პარტნიორობის ყველა ქვეყანაში შემდეგ სფეროებში: ბიზნესი და საინვესტიციო გარემო, ფინანსური ინფრასტრუქტურა, ადამიანური კაპიტალი (შრომის ბაზრის და სოციალური დაცვის ჩათვლით), მმართველობა, ასევე სახელმწიფო ფინანსების სტაბილურობა, და კანონის უზენაესობის და სათანადო მმართველობის განმტკიცება.

პროექტის ამოცანა იყო სტრუქტურული რეფორმების დიზაინი და განხორციელება აღმოსავლეთ პარტნიორობის ყველა ქვეყანაში შემდეგ სფეროებში: ბიზნესი და საინვესტიციო გარემო, ფინანსური ინფრასტრუქტურა, ადამიანური კაპიტალი (შრომის ბაზრის და სოციალური დაცვის ჩათვლით), ეკონომიკური მმართველობა და სახელმწიფო ფინანსების სტაბილურობა, და კანონის უზენაესობის და სათანადო მმართველობის განმტკიცება. პროექტის მთავარი ბენეფიციარები იყვნენ ეკონომიკის სამინისტროები აღმოსავლეთ პარტნიორობის 6 ქვეყანაში. სხვა ძირითადი მონაწილე მხარეები: ფინანსთა სამინისტროები; წამყვანი დარგობრივი სამინისტროები; ცენტრალური ბანკები; ბიზნეს-ასოციაციები; პარტნიორები განვითარების სფეროში (მაგ. მსოფლიო ბანკი, ორმხრივი დონორები); და კერძო სექტორის წარმომადგენლები.

პროექტის კონკრეტული ამოცანები იყო: მაკროეკონომიკური ჩარჩოს გაუმჯობესება და სახელმწიფო პოლიტიკის უკეთ განსაზღვრა საინვესტიციო გარემოს გასაუმჯობესებლად აღმოსავლეთ პარტნიორობის ექვსივე ქვეყანაში; სტრუქტურული რეფორმების დიზაინის და განხორციელების გაუმჯობესება მთავრობის მხრიდან მეწარმე ქალების და მამაკაცების მხარდასაჭერად ბიზნესის შექმნასა და მართვაში. პროექტის მოსალოდნელი შედეგები: ბიზნესის და საინვესტიციო გარემოს გაუმჯობესება მეწარმე ქალებისა და მამაკაცებისთვის მთელ აღმოსავლეთ პარტნიორობის რეგიონში; ფაქტებზე დამყარებული პოლიტიკის გაუმჯობესება მთავრობების მიერ სტრუქტურული რეფორმების პრიორიტეტების განსაზღვრის და დიზაინის განხორციელების მიზნით მთელ აღმოსავლეთ პარტნიორობის რეგიონში; პარტნიორი მთავრობების და ევროკავშირის პოტენციალის გაძლიერება სტრუქტურული რეფორმების დიზაინის და განხორციელების მიზნით მთელ აღმოსავლეთ პარტნიორობის რეგიონში.

პროექტი სტრუქტურირებული იყო 3 წლის განმავლობაში განსახორციელებელ 3 მიმართულებად (2018 წლის აპრილი - 2021 წლის მარტი):
I) 1-ლი მიმართულების შედეგი - საინვესტიციო გარემოს სამოქმედო გეგმების შედგენა აღმოსავლეთ პარტნიორობის 6 ქვეყნიდან თითოეულისთვის, ევროპის რეკონსტრუქციისა და განვითარების ბანკის მიერ თითოეულ ქვეყანაში ჩატარებული საინვესტიციო გარემოს დიაგნოსტიკის მიხედვით, მკაფიო გენდერული ფოკუსით და კონსულტაციებით ქვეყნების ხელისუფლებებთან და კერძო სექტორის ძირითად მონაწილე მხარეებთან.
II) მე-2 მიმართულება ფოკუსირებული იყო ევროპის რეკონსტრუქციისა და განვითარების ბანკის კონსულტაციების გაგრძელებაზე ევროკავშირის წარმომადგენლობასთან 6-დან თითოეულ ქვეყანაში; კონსულტაციების მიზანი იყო ტექნიკური დახმარების ინიციატივების პრიორიტეტების განსაზღვრა მე-3 მიმართულების განსახორციელებლად, 1-ლი მიმართულების პროცესში შემუშავებული საინვესტიციო გარემოს სამოქმედო გეგმების შედეგების საფუძველზე.
III) მე-3 მიმართულება ფოკუსირებული იყო ტექნიკური დახმარების ინიციატივების ამოქმედებაზე, რომლებიც შერჩეული იქნა ევროკომისიის მიერ ქვეყნების ხელისუფლებებთან კონსულტაციების საფუძველზე მე-2 მიმართულების პროცესში.