STAREP-ի նպատակը մասնակից երկրներին օգնելն է արդիականացնել կորպորատիվ ֆինանսական հաշվետվողականության դաշտը և զարգացնել տեղական հաստատությունների կարողությունները՝ այդ դաշտի արդյունավետ գործառնության համար:

Արևելյան գործընկերության երկրների համապատասխան ազգային շահագրգիռ կողմերի կարողությունների զարգացում՝ կորպորատիվ ֆինանսական հաշվետվողականության միջազգային ստանդարտների և ԵՄ հրահանգների ժողովածուի (Acquis Communautaire) հարակից տարրերի կիրարկման համար:

• Հաշվապահական հաշվառման և աուդիտի բարեփոխումների ու տարածաշրջանային համագործակցության ամրապնդում՝ ֆինանսների նախարարների և այլ բարձրաստիճան պաշտոնյաների հետ կանոնավոր երկխոսության միջոցով.
• Ընդհանուր մարտահրավերների ուղղությամբ ընդհանուր մոտեցումների մշակման, ինչպես նաև ԵՄ-ի և գլոբալ գործընկեր հաստատությունների և մարմինների հետ համագործակցության դյուրացման առնչությամբ ԵՄ համալսարանների հաշվապահական կրթության փորձի բացահայտում և տարածում.
• Փոխադարձ ուսուցման և համատեղ ուսուցման սեմինարներ ու աշխատաժողովներ միջազգային լավագույն փորձի և ԵՄ կորպորատիվ ֆինանսական հաշվետվողականության դաշտի վերաբերյալ.
• Գիտելիքների փոխանակման և փոխանցման խթանում.
• Վերլուծական և հետազոտական աջակցություն և այլ համանման գործունեություն.
• Կարողությունների զարգացում և գիտելիքների փոխանակում, որը ֆինանսական կարգավորող մարմիններին հնարավորություն կտա հասկանալ ֆինանսական գործիքների և ապահովագրական պայմանագրերի ստանդարտների ընթացիկ փոփոխությունները: