Ümumi məqsəd Azərbaycanda bütün vətəndaşlar üçün regional və ikitərəfli Aİ dəstəyi və əməkdaşlıq proqramları vasitəsilə Azərbaycanda ictimai qavrayışın təkmilləşdirilməsinə, eləcə də Avropa siyasətlərinin və təsirlərinin daha yaxşı anlaşılmasına töhfə verməkdir. Layihə Aİ-nin sosial media hesablarının idarə edilməsi də daxil olmaqla Aİ-yə ümumi kommunikasiya dəstəyi, Aİ-nin maliyyələşdirdiyi layihələrə kommunikasiya dəstəyi, fotoqraf/videoqraf xidmətləri göstərir, təbliğat tədbirlərini, pres səfərləri, media brifinqləri, ictimai kampaniyaları təşkil edir, uğur hekayələri və videolar hazırlayır, təşviqat materiallarının satınalınmasını təmin edir. Bunlardan başqa layihə Digitool platformasının və eu4azerbaijan.eu veb səhifəsinin idarə olunmasına məsuldur.

Xüsusi məqsədlər aşağıdakılardır:
· Aİ, onun dəyərləri və Azərbaycandakı fəaliyyətləri barədə Azərbaycan ictimaiyyətiylə əlçatan bir şəkildə ünsiyyət qurmaq;
· Azərbaycan vətəndaşları üçün Aİ-nin maliyyə dəstəyi və Aİ-Azərbaycan əməkdaşlığından yaranan maddi faydalar barədə məlumatlılığı artırmaq.

- Ümumi kommunikasiya dəstəyini təmin etmək;
- Təbliğat tədbirləri təşkil etmək;
- Aİ-nin maliyyələşdirdiyi layihələrə kommunikasiya dəstəyini təmin etmək;
- 12 uğur hekayəsi hazırlamaq;
- 5 qısa video/ animasiya dizaynı hazırlamaq;
- Media ilə əlaqələr yaratmaq;
- 4 ictimai kampaniya təşkil etmək;
- Aİ üçün təşviqat materiallarının satınalınmasını təmin etmək.