"EU4Climate" layihəsi Avropa İttifaqının maliyyə dəstəyi ilə BMT-nin İnkişaf Proqramı (BMTİP) tərəfindən icra edilir. Azərbaycan, Ermənistan, Gürcüstan, Ukrayna, Moldova, Belarusun iştirakı ilə Avropa İttifaqının Şərq Tərəfdaşlığı Proqramının 6 üzv dövlətində həyata keçirilən Layihə bu ölkələrdə Paris İqlim Sazişinə əsasən iqlim dəyişmələri təsirinə davamlı və aşağı emissiyalı iqtisadiyyatın inkişaf etdirilməsi məqsədini daşıyır. 2022-ci ilədək davam edəcək Layihənin əsas nəticəsi olaraq iqlim dəyişmələrinin təsirinə davamlı və aşağı emissiyalı hədəflərin Avropa İttifaqının iqlim siyasəti və qanunvericiliyinə uyğun olaraq 6 ölkənin inkişaf strategiyası və proqramına inteqrasiyasına nail olmaq planlaşdırılır.

Hökuməti və beynəlxalq ictimaiyyəti MSMET-nin tətbiq olunması barədə məlumatlandırmaq üçün güclü yerli ÖHD sistemi yaradılacaqdır. Layihə Paris Sazişinin iqtisadiyyatın müxtəlif sahələri, xüsusilə kənd təsərrüfatı və energetika sahələrində tətbiq edilməsi üçün sənaye yönümlü təlimatlar hazırlayacaqdır.

Layihə Şərq Tərəfdaşlığı Proqramının 6 üzv dövlətində həyata keçirilən Paris İqlim Sazişinə əsasən iqlim dəyişmələri təsirinə davamlı və aşağı emissiyalı iqtisadiyyatın inkişaf etdirilməsi məqsədini daşıyır.

- Milli Səviyyədə Müəyyən Edilmiş Töhfələr sənədinin yenilənməsi;
- Uzunmüddətli aşağı emissiyalı inkişaf strategiya planının hazırlanması;
- Qurumlararası məlumatlılıq və koordinasiyanın təkmilləşdirilməsi;
- Avropa İttifaqı iqlim qanunlarına daha sıx uyğunlaşma;
- Sektorlar üzrə uyğunlaşma planlarının qəbul edilməsi;
- İqlim üzrə maliyyə vəsaitinin daha çox səfərbər edilməsi.