ევროკავშირის მიერ დაფინანსებული პროექტი "EU4DIGITAL ფართოზოლოვანი სტრატეგიები აღმოსავლეთ პარტნიორობის რეგიონში“ მხარს უჭერდა აღმოსავლეთ პარტნიორობის ქვეყნებს ეროვნული ფართოზოლოვანი სტრატეგიების განვითარებასა და ნაადრევ განხორციელებაში ევროკავშირის სათანადო საუკეთესო პრაქტიკის და სტრატეგიების შესაბამისად; ეს მოხდა ტექნიკური დახმარების და პოტენციალის შექმნის ხელშეწყობის საშუალებით.

პროექტის მთავარი ამოცანა იყო ფართოზოლოვანი ინტენეტის დაჩქარებული დანერგვა აღმოსავლეთ პარტნიორობის რეგიონში, რაც განხორციელდა ეროვნული ფართზოლოვანი სტრატეგიების ამოქმედებით ევროკავშირის საუკეთესო პრაქტიკის და სტრატეგიების შესაბამისად.

ფართოზოლოვანი ინტერნეტის დაჩქარებულ დანერგვას აღმოსავლეთ პარტნიორობის რეგიონში გადამწყვეტი მნიშვნელობა აქვს არა მარტო მთლიანი შიდა პროდუქტის სწრაფი ზრდის პოტენციალის კუთხით (რაც აღმოსავლეთ პარტნიორობის რეგიონში შეფასებულია 2.9 მილიარდიდან 4.3 მილიარდ ევრომდე მხოლოდ ფიქსირებული ფართოზოლოვანი ინტერნეტისთვის). ის ასევე უზრუნველყოფს უმნიშვნელოვანესი კავშირის დამყარებას ე-სერვისების ასამოქმედებლად ბიზნესისა და მოქალაქეებისთვის.

პროექტის ფარგლებში ჩატარდა შემდეგი საქმიანობა:

- სამიზნე ინდიკატორების კვლევა და ხარვეზების ანალიზი.
- მხარდაჭერა საკანონმდებლო და რეგულირების სისტემების გასაუმჯობესებლად.
- ფართოზოლოვანი ინტერნეტის კარტირების მხარდაჭერა.
- გამოცდილების და საუკეთესო პრაქტიკის გაზიარების მხარდაჭრა.
- ფართოზოლოვანი სტრატეგიების ფორმულირება და მათი დანერგვის მხარდაჭერა.