ეს პროექტი დაეხმარა აზერბაიჯანს და საქართველოს მათი საზღვრების უსაფრთხოების დაცვაში და ხელი შეუწყო ადამიანების და საქონლის მიერ წითელი ხიდის საზღვრის გადაკვეთის პუნქტის კანონიერად გადაკვეთას; ეს განხორციელდა საერთო ტრენინგების ჩატარებით სანიტარული და ფიტოსანიტარიის და ვეტერინარული ინსპექციის (SPS) კონტროლის საკითხებზე, და ორივე მხარისთვის საჭირო ინფრასტრუქტურის და აღჭურვილობის მიწოდებით.

ამ პროექტის ზოგადი მიზანი იყო ადამიანების და საქონლის მოძრაობის ხელშეწყობა საქართველო-აზერბაიჯანის საზღვარზე უსაფრთხოების დაცვით, ძირითადი აქცენტით სანიტარულ და ფიტოსანიტარულ ღონისძიებებზე.

პროექტის კონკრეტული მიზნები იყო:

- თანამშრომლობის გაუმჯობესება საქართველოს შემოსავლების სამსახურს და აზერბაიჯანის სახელმწიფო საბაჟო კომიტეტს შორის, განსაკუთრებით სანიტარული და ფიტოსანიტარული კონტროლის სფეროში.
- ვაჭრობის ხელშეწყობა საქართველოს და აზერბაიჯანს შორის.

აზერბაიჯანის და საქართველოს წამყვანი პერსონალის ერთობლივი ტრენინგი ევროკავშირის ფიტოსანიტარიის და ვეტერინარული ინსპექციის სასაზღვრო შემოწმების ნორმების საკითხებზე.
აზერბაიჯანის სახელმწიფო საბაჟო კომიტეტის მხარდაჭერა ინფრასტრუქტურით და აღჭურვილობით წითელ ხიდზე მოძრაობის გამარტივების და უსაფრთხოების გაუმჯობესების მიზნით, რაც მოიცავდა შემდეგს:
- აზერბაიჯანის მხარეს ღობის დამონტაჟება საბაჟო ტერიტორიის ირგვლივ ხელისუფლების მხრიდან განსაბაჟებელი საქონლის უწყვეტი კონტროლის უზრუნველსაყოფად.
- ევროკავშირის სტანდარტული ლაბორატორიული ნიმუშების ასაღები აღჭურვილობის შესყიდვა, რომელიც საშუალებას მისცემს აზერბაიჯანელ ოფიციალურ პირებს აიღონ და შეინახონ ფიტოსანიტარიის და ვეტერინარული ნიმუშები ცენტრალურ ლაბორატორიაში ვერიფიკაციამდე.
საქართველოს შემოსავლების სამსახურის მხარდაჭერა ინფრასტრუქტურით და აღჭურვილობით წითელ ხიდზე მოძრაობის გამარტივების და უსაფრთხოების გაუმჯობესების მიზნით, რაც მოიცავდა შემდეგს:
- სასაწყობო სათავსოს აშენება, სადაც შეინახება ფიტოსანიტარიის და ვეტერინარის ინსპექტორების კონტროლის ქვეშ მყოფი საქონელი თბილისის მთავარ ლაბორატორიაში ტრანსპორტირებამდე.
- ევროკავშირის სტანდარტების შესაბამისი აღჭურვილობის შესყიდვა სასაწყობო სათავსოსთვის.