«ԵՄ-ն՝ Կլիմայի համար» նախաձեռնությունն աջակցում է Արևելյան գործընկերության երկրների կողմից կլիմայի քաղաքականության մշակմանը և իրականացմանը՝ նպաստելով արտանետումների նվազմանն ու կլիմայակայուն զարգացմանը, ինչպես նաև Կլիմայի փոփոխության վերաբերյալ Փարիզի 2015 թ. համաձայնագրով նրանց ստանձնած հանձնառություններին:

Նախաձեռնության ընդհանուր նպատակը կլիմայի փոփոխության մեղմացմանն ու հարմարմանը, ինչպես նաև ցածր արտանետումներով և կլիմայակայուն տնտեսության զարգացմանը նպաստելն է:
Նախաձեռնությունը, մասնավորապես, նպատակ ունի.
- Ամրապնդել Փարիզյան համաձայնագրի ներքին իրականացման կարողությունները․
- Բարելավել արտանետումների և կլիմայի գործողությունների թափանցիկությունը․
- Հաշվի առնել կլիմայի հիմնախնդիրը քաղաքականության այլ ոլորտներում, ինչպիսի են էներգետիկան, տրանսպորտը, գյուղատնտեսությունը․
- Հասնել ԵՄ-ի հետ երկկողմ համաձայնագրերի՝ կլիմայի հետ կապված դրույթների ու Էներգետիկ համայնքի մասին պայմանագրի նպատակներին՝ դրանց ներդրումն առաջ մղելու միջոցով:

Գործողությունները խմբավորված են յոթ առաջնահերթ արդյունքների շուրջ.
- Փարիզյան համաձայնագրի ներքո ազգային մակարդակով սահմանված գործողությունների (ԱՍԳ) ներդրում և թարմացում․
- Կեսդարյա ցածր արտանետումներով զարգացման ռազմավարությունների (ՑԱԶՌ) մշակում․
- Ներքին արտանետումների մոնիտորինգի, զեկուցման և ստուգման (ՄԶՍ) հուսալի շրջանակների ներդրում․
- ԵՄ օրենսդրությանը համապատասխանեցում՝ ըստ երկկողմ համաձայնագրերում և Կլիմայի գործողության մասին էներգետիկ համայնքի պայմանագրում սահմանված դրույթների․
- Փարիզյան համաձայնագրի իրականացման ոլորտներում և ոլորտային ուղեցույցներում կլիմայի հիմնախնդրի հաշվի առնում․
- Կլիմայական ներդրումներ․
- Հարմարման պլանավորում. հարմարման պլանների ընդունում և (անհրաժեշտության դեպքում) մշակում։