«ԵՄ-ն բիզնեսի համար՝ Աջակցություն ՓՄՁ-ների մրցունակության բարեփոխումներին» ծրագիրն ուղղված էր աջակցելու Արևելյան գործընկերության երկրներին՝ իրականացնելու Տնտեսական համագործակցության և զարգացման կազմակերպության (ՏՀԶԿ) փոքր և միջին ձեռնարկությունների (ՓՄՁ-ներ) քաղաքականության համաթվի փորձագետների պատրաստած առաջարկությունների հիման վրա քաղաքականության բարեփոխումներ` նպաստելով ՓՄՁ կարիքներին և պահանջներին կառավարության արձագանքի, ինչպես նաև պետություն-մասնավոր հատված երկխոսության բարելավմանը ազգային մակարդակում։

Ծրագիրն աջակցել է ազգային, ինչպես նաև տարածաշրջանային մակարդակներում իրականացված գործողությունների համապարփակ փաթեթին: Ազգային մակարդակում գործողություններ են իրականացվել այն երկրներում, որոնք ՓՄՁ քաղաքականության բարեփոխումներ իրականացնելու հարցում բարձր մակարդակի քաղաքական հանձնառություն են հայտնել, ինչպես նաև այն երկրներում, որոնք համաձայնել են այդ բարեփոխումների անկախ գնահատմանը: Տարածաշրջանային մակարդակի գործողությունները ներառել են Արևելյան գործընկերության (ԱլԳ) բոլոր երկրները:

- Աջակցել Արևելյան գործընկերության երկրներին՝ ՓՄՁ քաղաքականության համաթվում նշված առաջարկությունների հիման վրա քաղաքականության բարեփոխումներ իրականացնելու հարցում.
- Բարձրացնել ՓՄՁ կարիքներին արձագանքելու կառավարության կարողությունը և նպաստել ազգային մակարդակում պետություն - մասնավոր հատված երկխոսության բարելավմանը.
- Ամրապնդել տարածաշրջանի մակարդակում քաղաքական երկխոսությունը և փորձագիտական գնահատումը՝ կապված ԱլԳ տարածաշրջանի ՓՄՁ-ների մրցունակության հետ.
- Ընդլայնել ԱլԳ տարածաշրջանի ՓՄՁ ոլորտի շահագրգիռ կողմերի միջև համագործակցությունը և նպաստել լավագույն պրակտիկաների փոխանակմանը:

- Տվյալների հավաքագրում, դրանց վերլուծություն և երկրներ առաքելությունների այցելություն՝ ՓՄՁ քաղաքականության համաթվում նշված առաջարկությունների իրականացմանն ուղղված բարեփոխումներ կամ իրավական ակտեր մշակելու համար.
- Տնտեսական համագործակցության և զարգացման կազմակերպության (ՏՀԶԿ) կողմից կազմակերպված Եվրասիայի մրցունակության կլոր սեղանի շրջանակում փորձագիտական գնահատումներին երկրների նախապատրաստմանն ուղղված աշխատաժողովների անցկացում.
- Բարեփոխումների իրականացմանն աջակցելուն ուղղված դասընթացների և կարողությունների զարգացման աշխատաժողովների կազմակերպում.
- Սեմինարների միջոցով քաղաքականություն մշակողների կարողությունների զարգացում.
- ՏՀԶԿ Եվրասիայի մրցունակության կլոր սեղանի տեսքով տարածաշրջանային կառույցի ստեղծում։