«ԵՄ-ն բիզնեսի համար. Ֆինանսական հատվածի ինստիտուցիոնալ զարգացում և ճգնաժամային արձագանք» ծրագիրը նպատակ ունի վերականգնել վարկերի հասանելիությունը Արևելյան հարևանության տարածաշրջանի միկրո, փոքր և միջին ձեռնարկությունների (ՄՓՄՁ) համար՝ աջակցություն ցուցաբերելով հատկապես ֆինանսական ճգնաժամից տուժած ֆինանսական հաստատություններին: Բացառիկ իրավիճակին ի պատասխան նախաձեռնված ծրագրի նպատակն է կանխել տարածաշրջանում բանկերի սնանկացման և իրական տնտեսության հանկարծակի նվազման ռիսկերը:

- Օժանդակություն այն բանկերին, որոնք տուժել են համաշխարհային ֆինանսական ճգնաժամից և որոնցում ՎԶԵԲ-ը ներդրումներ է կատարել ճգնաժամային արձագանքի շրջանակներում.
- Բարձրացնել ոլորտի արդյունավետությունը և թափանցիկությունը, ինչը ձեռնարկությունների, մասնավորապես ՄՓՄՁ-ների ֆինանսավորման ավելի լավ հնարավորություններ կստեղծի.
- Աջակցել կամ ստեղծել հաջողակ և առողջ հաստատություններ, որոնք ֆինանսավորում են իրական տնտեսությունը, գործում են շուկայական սկզբունքներով և հետևողական են ողջամիտ բիզնեսվարմանը:

- Տարածաշրջանային հաստատությունների ստեղծում և հասցեական ճգնաժամային արձագանք (ձեռնարկությունների կողմից իրականացվող) խոշոր նախագծերի համար, բացառությամբ Ռուսաստանի և Ուկրաինայի.
- Ուկրաինական ֆինանսական հաստատությունների համար ինստիտուցիոնալ զարգացման և ճգնաժամային արձագանքի կառուցակարգի առկայություն.
- Ռուսական բանկերին վարկերի տրամադրման և կորպորատիվ վերականգնման վերաբերյալ աջակցության և ուսուցման տրամադրում.
- Հասցեական ճգնաժամային արձագանքի տարածաշրջանային շրջանակի առկայություն. առևտրի ֆինանսավորման բանկային խորհրդատվական ծառայությունների տրամադրում, աջակցություն փորձի փոխանցմանն ու ինստիտուցիոնալ նոու-հաուի կուտակմանը և առևտրի ֆինանսավորման բանկային հմտությունների զարգացմանը: