EU4Culture – праект, які фінансуецца Еўрапейскім Саюзам і праходзіць са студзеня 2021 г. па снежань 2024 г. Ён падтрымлівае культурны і творчы сектар, робячы асаблівы акцэнт на несталічныя гарады краін Усходняга партнёрства: Арменіі, Азербайджана, Беларусі, Грузіі, Малдовы і Украіны.

Агульнай мэтай EU4Culture з'яўляецца падтрымка культуры як механізма росту і сацыяльнага развіцця ў краінах-удзельніцах праекту.
У прыватнасці, праект накіраваны на:
- Узмацненне ролі культурнага сектара як рухавіка эканамічнага развіцця.
- Развіццё міжкультурнага дыялогу ў мэтах мірных міжсупольных адносін і абмену ведамі паміж краінамі.
- Паляпшэнне мясцовага кіравання ў галіне культуры праз падтрымку рэгулятыўных працэсаў і партысіпатыўнага палітычнага дыялогу.

У перспектыве праект:
- дапаможа ў распрацоўцы і рэалізацыі мясцовых Стратэгіяй культурнага развіцця: да трох гарадоў кожнай з краін Усходняга Партнёрства атрымаюць па 30 тыс. еўра на распрацоўку стратэгіі, а адзін горад з кожнай краіны атрымае да 300 тыс. еўра на яе рэалізацыю;
- запусціць схему грантаў для культурных і крос-інавацыйных праектаў;
- запусціць схему мабільнасці для дзеячаў культуры;
- умацуе патэнцыял гарадоў-удзельнікаў у пытаннях інтэрнацыяналізацыі, культурнага прадпрымальніцтва і менеджменту, культурных індыкатараў і статыстыкі ў галіне культуры.