МЫ - ПАСЛЫ ЕЎРАПЕЙСКАЙ МОЛАДЗІ

СТАНЬ АДНЫМ З НАС

Наша моц у актыўнасці, жаданні дзейнічаць і мяняць свет да лепшага. Мы вучымся, развіваем свае навыкі і падтрымліваем адзін аднаго. Далучайся да нас!

ХТО МЫ?

Я вельмі ганаруся , што з'яўляюся Паслом еўрапейскай моладзі. Скарочана мы называем сябе "YEAs". Мы - дынамічная сетка крэатыўных маладых людзей. Мы -валанцёры з Азербайджану, Арменіі, Беларусі, Грузіі, Малдовы, Украіны, краінаў ЕС і Вялікабрытаніі.

Ірына - Пасол еўрапейскай моладзі з ЕС

Мы ладзім шмат імпрэзаў і пашыраем інфармацыю пра супрацоўніцтва ЕС з нашымі краінамі, а таксама пра магчымасці для моладзі. Я вельмі люблю гэтую сетку за магчымасць наладзіць сяброўства з іншымі маладымі людзьмі.

Сафі - Пасол еўрапейскай моладзі з Арменіі

НАША ДЗЕЙНАСЦЬ

Мы дасягаем рэальных вынікаў, прыцягваючы ўвагу да такіх важных тэмаў, як гендарная роўнасць, правы чалавека і навакольнае асяроддзе. Наша моц у тым, што мы прасоўваем розныя культуры і ўсё, што робіць нас унікальнымі.

Фрэя - Пасол еўрапейскай моладзі з ЕС

Мы дапамагаем мясцовым супольнасцям, і менавіта так прыносім рэальную карысць. Мы ладзім семінары, імпрэзы, кінапаказы і вулічныя акцыі. Мы наведваем школы, універсітэты, кірмашы. Мы нават дзелімся рэцэптамі...спіс можна працягваць бясконца!

Рафаэль - Пасол еўрапейскай моладзі з Азербайджану

РАЗВІВАЕМ НАВЫКІ

Я развіваюся ва ўсіх кірунках. У нас вельмі шмат магчымасцяў для гэтага: публічныя выступы, напісанне артыкулаў, арганізацыя імпрэзаў, Еўраклубы і стварэнне мультымедыйнага кантэнту. І наша ініцыятыва можа стаць і тваёй - мы любім новыя ідэі!!

Валерыя - Пасол еўрапейскай моладзі з Малдовы

Праз рэгулярны ўдзел у імпрэзах - ад нашых мясцовых да нацыянальных, рэгіянальных і міжнародных - я навучыўся публічна выступаць па важных пытаннях. А яшчэ я знайшоў сяброў на ўсё жыццё.

Лука - Пасол еўрапейскай моладзі з Грузіі

НАВОШТА ПАДАВАЦЬ ЗАЯЎКУ?

Мне вельмі пашанцавала, што я змагла выступаць ад імя сваёй краіны ў гэтыя цяжкія часы. Я шмат чаму навучылася і зразумела, што мой голас сапраўды мае значэнне. Запрашаю і вас рабіць так, каб ваш голас меў значэнне ў вызначэнні нашай будучыні.

#StrongerTogether

Наталля - Пасол еўрапейскай моладзі з Украіны

ЯК СТАЦЬ ПАСЛОМ ЕЎРАПЕЙСКАЙ МОЛАДЗІ?

Хочаш даведацца больш? Проста напішы: [email protected]