ევროპის საინვესტიციო ბანკმა ხელი მოაწერა ახალ საგრანტო ხელშეკრულებას, აღმოსავლეთ პარტნიორობის ტექნიკური მხარდაჭერის ფონდის (EPTATF) შექმნასთან დაკავშირებით, რომლის ფარგლებშიც საქართველოს რეგიონული განვითარებისა და ინფრასტრუქტურის სამინისტრო და გაერთიანებული წყალმომარაგების კომპანია €3 მილიონ ევროს მიიღებს. ეს თანხა გამოყენებული იქნება სპეციალიზებული პროფესიონალური სერვისების დასაფინანსებლად, რომელიც წყალმომარაგების კომპანიას დაეხმარება ქუთაისის წყლის პროექტის განხორციელებაში.
2015 წელს, დაფინანსების კონტრაქტის ფარგლებში ევროპის საინვესტიციო ბანკმა 100 მილიონი ევრო გამოჰყო, რათა რეგიონული განვითარების სამინისტროს ქუთაისში ჩამდინარე წყლების მართვის პროექტის განხორციელება შეძლებოდა.
პროექტი საქართველოს წყლის სექტორის რეაბილიტაციის პროგრამის ნაწილია, რომელიც შედგება სხვადასხვა ინვესტიციებისგან და ითვალისწინებს ქუთაისის, ურეკის, ფოთისა და ზუგდიდის წყლის სისტემების გაუმჯობესებას.

ჩამდინარე წყლების დამუშავების სისტემის გაუმჯობესება ქუთაისში

- ტექნიკური მიმოხილვის ჩატარება
- პროექტის განმახორციელებელი გუნდისთვის მხარდაჭერისა და საინჟინრო სერვისების გაწევა
- საქართველოს მთავრობისთვის რჩევების გაწევა უფრო მცირე, მუნიციპალური წყლის გადამამუშვებელი საწარმოებისთვის საჯარო-კერძო პარტნიორობების შესაქმნელად
- დამატებითი წყლის მარაგის შექმნა, ჩამდინარე წყლების გადამუშავება და ამინდის ინვესტიცია ქუთაისისის ე.წ. „ავტოქარხნის“ დასახლებაში, რომელიც დაახლოებით 40,000 მოსახლეს მოიცავს (35%).