ევროკავშირის მიერ მხარდაჭერილი პროგრამა „ქალები ბიზნესში“ ეხმარება მცირე და საშუალო საწარმოებს, რომლებსაც ქალები ხელმძღვანელობენ, ჰქონდეთ წვდომა ფინანსებზე და განვითარებისთვის საჭირო „ნოუ-ჰაუზე“. ევროპის რეკონსტრუქციისა და განვითარების ბანკი უზრუნველყოფს ფინანსებზე წვდომას ადგილობრივი ბანკებისთვის საკრედიტო ხაზების გამოყოფით, რომლებიც ქალების მიერ მართული მცირე და საშუალო საწარმოების განვითარებას ხმარდება. ბანკი ასევე გასცემს ბიზნეს-რეკომენდაციებს კომპანიების კონკურენტუნარიანობის გაუმჯობესების მიზნით. პროგრამის ფარგლებში ხორციელდება ტრენინგი მენტორობა და სხვა მხარდაჭერა, რაც ქალ მეწარმეებს ერთმანეთის გამოცდილების გაზიარებაში ეხმარება.

პროექტის კონკრეტული ამოცანაა ქალთა მეწარმეობის პოპულარიზაცია, ხოლო უფო ფართო თვალსაზრისით - ქალთა მონაწილეობა ბიზნესში მათი საწარმოების მხარდაჭერით. ეს ხორციელდება დაფინანსებაზე წვდომით, ასევე ბიზნეს-საკონსულტაციო მომსახურებით ქალების მიერ მართული კომპანიებისთვის.

- ქალების მცირე და საშუალო საწარმოების მხარდაჭერა ფინანსებზე წვდომის და სამუშაო ადგილების შექმნის მიზნით.
- სტაბილური ფინანსური პროდუქტების შექმნა, რომლებიც კონკრეტულად ქალების მიერ მართულ მცირე და საშუალო საწარმოებზეა მორგებული.
- ქალთა მცირე და საშუალო კომპანიების მხარდაჭერა რეკომენდაციების და „ნოუ-ჰაუს“ მიღებაში.
- ტრენინგი ძირითადი სამეწარმეო უნარების განვითარებისთვის.
- მენტორობის და ქსელური აქტივობის სემინარები.