აღმოსავლეთ პარტნიორობის სამოქალაქო საზოგადოების ფორუმის (EAP CSF) მიზანი იყო სამოქალაქო საზოგადოების გაძლიერება აღმოსავლეთ პარტნიორობის ქვეყნებში, და თანამშრომლობის და გამოცდილების გაზიარების მხარდაჭერა პარტნიორი ქვეყნების სამოქალაქო საზოგადოებრივ ორგანიზაციებს და ევროკავშირს შორის. აღმოსავლეთ პარტნიორობის სამოქალაქო საზოგადოების ფორუმის სამდივნო უზრუნველყოფს ფორუმის ტექნიკურ და ადმინისტრაციულ მხარდაჭერას, ასევე ფორუმის და მისი ეროვნული პლატფორმების და სამუშაო ჯგუფების საქმიანობის და ცნობადობის გაუმჯობესებას.

აღმოსავლეთ პარტნიორობის სამოქალაქო საზოგადოების ფორუმის მხარდაჭერა ევროკავშირის მხრიდან მიზნად ისახავდა ფორუმის დახმარებას მის გარდასაქმნელად სამოქალაქო საზოგადოებრივი ორგანიზაციების ადვოკატირების კიდევ უფრო ეფექტურ არხად რეგიონულ დონეზე მთელი აღმოსავლეთ პარტნიორობის მასშტაბით.

კონკრეტული მიზნები:

- აღმოსავლეთ პარტნიორობის სამოქალაქო საზოგადოების ფორუმის გაძლიერება, გაზრდილი და დაბალანსებული წევრობით.
- რეფორმის სტრატეგიის შემუშავება და განხორციელება შემდეგი მიზნებით: ეროვნული პლატფორმების როლის გაძლიერება; კავშირების განმტკიცება ევროკავშირში მდებარე ორგანიზაციებთან; ფორუმის ადვოკატირების მასშტაბის გაზრდა საერთაშორისო პოლიტიკის დონეზე და ინკლუზიურობის და ღიაობის მხარდაჭერა.
- სამოქალაქო საზოგადოებრივი ორგანიზაციების ტექნიკური პოტენციალის გაზრდა დიალოგში ჩართვის მიზნით სექტორული მმართველობის საკითხებზე.

- აღმოსავლეთ პარტნიორობის სამოქალაქო საზოგადოების ფორუმის ყოველწლიური ასამბლეების ორგანიზება განახლებულ ფორმატში, სავარაუდოდ, შორ მანძილზე მოქმედი პირდაპირი ჩართვის საინფორმაციო-ტექნოლოგიური აპლიკაციების გამოყენებით.
- რეგიონული პროექტების მხარდაჭერა ფორუმის სამუშაო ჯგუფების მიერ, მათ შორის მმართველობის სექტორში მომუშავე სამოქალაქო საზოგადოებრივი ორგანიზაციების ტექნიკური პოტენციალის გაზრდა.
- ნაადრევი გაფრთხილების და სტაბილურობის მექანიზმის შექმნა, რაც უზრუნველყოფს ფორუმის თემატური სამუშაო ჯგუფების სწრაფ რეაგირებას ერთობლივი პოზიციების/რეკომენდაციების შესამუშავებლად.
- ორგანიზაციული განვითარების ახალი სტრატეგიის შემუშავება და მისი განხორციელება.
- ფორუმის ადვოკატირების და საკომუნიკაციო სტრატეგიის განახლება სხვა ორგანიზაციებზე, დონორებზე და საერთაშორისო მონაწილეებზე წვდომის საჭიროების ასახვის მიზნით.