EU4GENDER EQUALITY: ერთად გენდერული სტერეოტიპების და გენდერული ძალადობის წინააღმდეგ
აღწერა
პროგრამა „EU4GENDER EQUALITY: ერთად გენდერული სტერეოტიპების და გენდერული ძალადობის წინააღმდეგ“ მიზნად ისახავს თანაბარი უფლებების და შესაძლებლობების უფრო ღრმად დამკვიდრებას ქალებისა და მამაკაცებისთვის, რაც განხორციელდება სოციალური წარმოდგენების შეცვლით გენდერული როლების შესახებ, გენდერული სტერეოტიპების დაძლევით და მამაკაცების მეტი ჩართულობით შვილებზე ზრუნვასა და სხვა საოჯახო ვალდებულებებში.
კონკრეტული ამოცანა ადგილობრივ ენაზე
- წარმოდგენების შეცვლა გენდერული სტერეოტიპების, და ქალის და მამაკაცის როლების მიმართ ოჯახში, და ამით პატრიარქალური ნორმების დაძლევა, რომლებიც ზღუდავს ქალთა უფლებებს და შესაძლებლობებს. - მამაკაცთა გაზრდილი პასუხისმგებლობა ოჯახზე და ბავშვებზე მზრუნველობაში და მათი ჩართულობა აქტიური მამობის მხარდამჭერ პროგრამებში. - საუკეთესო პრაქტიკის სტიმულირება იმ პროგრამებში, რომლებიც მუშაობს ქალებზე მოძალადეებთან და აუმჯობესებს პრევენციულ ღონისძიებებს.
მოსალოდნელი შედეგები
- საუკეთესო მეთოდების კვლევა გენდერული სტერეოტიპების დასაძლევად, რათა უკეთ იქნას გამოვლენილი, რომელი მიდგომაა უფრო ეფექტური გენდერული ქცევის ცვლილების თვალსაზრისით. - ცნობიერების ამაღლების და ადვოკატირების ახალი კამპანიები ქალთა და გოგონების მიმართ არსებული გენდერული სტერეოტიპების და დისკრიმინაციული პრაქტიკის დასაძლევად. - სამოქალაქო საზოგადოებრივი ორგანიზაციების გრანტები სპეციალური აქტივობების ციკლის დასაწყებად, რომელთა მიზანია ქალთა შესაძლებლობების გაუმჯობესება გენდერული სტერეოტიპების დაძლევის გზით. - ადგილობრივ ჯანდაცვის ობიექტებთან თანამშრომლობა მამაკაცების შვილებზე ზრუნვაში ჩართულობის გასაუმჯობესებლად; მამაკაცების დაკავშირება ჯგუფის შესაქმნელად მათ შორის გამოცდილების გაზიარების მიზნით აღნიშნულ საკითხებზე. - ადვოკატირება სადეკრეტო შვებულების (ბავშვის მოვლის მიზნით აღებული შვებულების) საუკეთესო პრაქტიკის დასანერგად საკუთარი შვილების აღზრდასა და მათზე მზრუნველობაში ჩართული მამაკაცების რაოდენობის გაზრდის მიზნით. - სახელმძღვანელოს შექმნა პოტენციური მოძალადეებისთვის, ქალთა მიმართ ძალადობის პრევენციის მიზნით მანამ, სანამ ის მოხდება. - იმ ორგანიზაციების ტექნიკური დახმარება, რომლებიც მუშაობენ ქალებზე მოძალადეებთან; დახმარება მიზნად ისახავს ინოვაციური მოდელების ჩართვას ფაქტებზე დამყარებულ ადრეული პრევენციის პრაქტიკაში.
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.