შეიტანეთ განაცხადი კურსზე, რომელიც ასწავლის, როგორ უნდა გახდე ფრილანსერი და დასაქმდე დისტანციურად

საქართველოს სტრატეგიული კვლევებისა და განვითარების ცენტრმა (CSRDG) გამოაცხადა მიღება ონლაინ ტრენინგკურსზე, „როგორ გავხდე ფრილანსერი და დავსაქმდე დისტანციურად“.

კურსის გავლა უფასოდაა შესაძლებელი და ის 10 შეხვედრისგან შედგება. მასში მონაწილეობა შეუძლიათ ქვემო ქართლის, კახეთისა და გურიის მცხოვრებლებს, რომელთაც უკვე შეუსრულდათ 16 წელი და კარგად იციან ინგლისური ენა. 

კურსის მონაწილეები მიიღებენ ინფორმაციას დისტანციური დასაქმებისა და ფრილანსერობის შესაძლებლობებზე საქართველოსა და მსოფლიოში. ისინი ასევე გაეცნობიან პლატფორმებს, რომლებიც დაეხმარებათ, გახდნენ წარმატებული ფრილანსერები და აირჩიონ კარიერა პროგრამირების, გრაფიკული დიზაინის, კოპირაიტინგის, ციფრული მარკეტინგისა და სოციალური მედიის მართვის სფეროებში.

მონაწილეთა რაოდენობა შეზღუდულია.

განაცხადების შეტანის ბოლო ვადაა 2023 წლის 21 მაისი.

დამატებითი ინფორმაცია

პრესრელიზი