საშუალო სკოლა მოხალისეებს გერმანიაში ერთ წლამდე ვადით იწვევს

სამხრეთ გერმანიის საკურორტო დასახლება ბად-ვურცახში მდებარე გიმნაზია Salvatorkolleg იწვევს მოხალისეებს აღმოსავლეთ პარტნიორობის ყველა ქვეყნიდან. დაინტერესებული პირი საბაზისო დონეზე უნდა ფლობდეს გერმანულ ენას და მზად უნდა იყოს სკოლის ყოველდღიურ საქმიანობაში ჩასართავად.

მოხალისეები გერმანიაში 2022 წლის 15 სექტემბრიდან 2023 წლის 31 ივლისამდე პერიოდში 46 კვირას გაატარებენ.

ისინი, ძირითადად, მონაწილეობას მიიღებენ არაფორმალურ აქტივობებში და ჩაატარებენ სემინარებს ხელოვნების, მუსიკის, ენის და კულტურის სფეროებში. გარდა ამისა, მოხალისეები ჩაერთვებიან ფიზიკური აღზრდის გაკვეთილებში  და მოსწავლეთა წარმომადგენლობით ორგანიზებულ საქმიანობაში.

მოხალისეები იცხოვრებენ ორი ადამიანისთვის განკუთვნილ ბინაში და მიიღებენ  ჯიბის ფულს საკვებისა და ადგილობრივი ტრანსპორტის ხარჯებისთვის.

განაცხადების შეტანის ბოლო ვადაა 28 თებერვალი.

დამატებითი ინფორმაცია 

პრესრელიზი