საქართველოში სამოქალაქო კამპანიის დაგეგმვის შესახებ ტრენინგი ჩატარდება

საქართველოში სამოქალაქო კამპანიის დაგეგმვის შესახებ ტრენინგი ჩატარდება


საქართველოში ევროკავშირის წარმომადგენლობა სპეციალიზებული ტრენინგის პროგრამას იწყებს. ტრენინგში მონაწილეობა შეუძლიათ მათ, ვინც დაინტერესებულია წარმატებული სამოქალაქო კამპანიის ჩატარებით მწვავე საზოგადოებრივი საკითხების გადასაჭრელად.

ტრენინგის საშუალებით მონაწილეები გაიღრმავებენ ცოდნას სათემო აქტივიზმთან დაკავშირებული კონცეფციების, მიდგომებისა და საუკეთესო პრაქტიკის შესახებ. ამასთან, ისინი მიიღებენ პრაქტიკულ რჩევებს იმაზე, თუ როგორ უნდა დაიგეგმოს წარმატებული სამოქალაქო კამპანია.

სათემო აქტივიზმის ტრენინგის (CAT) პროგრამა ორგანიზებულია კონსულტაციისა და ტრენინგის ცენტრის (CTC) მიერ და ხორციელდება ევროკავშირის მიერ დაფინანსებული STAR ინიციატივის ფარგლებში.  

ტრენინგი მარტსა და აპრილში ხუთი კვირის განმავლობაში ჩატარდება. სასწავლო პროგრამა იქნება ჰიბრიდული ფორმატის: ოთხი კვირა დაეთმობა დისტანციურად გამართულ სესიებს, ხოლო ხუთი დღე — გასვლით პირისპირ ტრენინგს. 

პროგრამა კურსდამთავრებულებს მიკრო გრანტების კონკურსში მონაწილეობის შესაძლებლობას სთავაზობს. თითოეული ინიციატივა დაფინანსდება 3,000 ევროს ეკვივალენტით ლარში.

განაცხადების შეტანის ბოლო ვადაა 20 თებერვალი.

დამატებითი ინფორმაცია

პრესრელიზი

შესაძლებლობის ტიპი




გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,