გრანტები სოციალურად დაუცველი ჯგუფების დასაქმების შესაძლებლობების გასაუმჯობესებლად

ინოვაციებისა და ცვლილებების ინსტიტუტი დასაქმების წასახალისებლად გურიის, აჭარის და სამეგრელოს რეგიონებში მოქმედი სტარტაპებისთვის საგრანტო კონკურსს იწყებს. კონკურსი ევროკავშირის მიერ დაფინანსებული პროექტის, „უნარები დასაქმებისა და თანამშრომლობისთვის — პერსპექტივები საქართველოს რეგიონებისთვის” (SECTORs), ფარგლებში ცხადდება.

პროექტის მიზანია სოციალურად დაუცველი ჯგუფების დასაქმების შესაძლებლობების გაუმჯობესება. ამის მიღწევის გზად კი სექტორთაშორისი პარტნიორობის და სამეწარმეო განათლების წახალისება და ინოვაციური მეთოდების დანერგვაა დასახული. ეს ყველაფერი, თავის მხრივ, პროექტში ჩართული რეგიონების ეკონომიკურ განვითარებას უწყობს ხელს. 

კონკურსში მონაწილეობა შეუძლიათ 35 წლის ასაკამდე ახალგაზრდებს არასრული საშუალო, საშუალო ან უმაღლესი განათლებით დაბალი შემოსავლის მქონე ოჯახებიდან; ეკონომიკური და სოციალური პრობლემების მქონე ნებისმიერი ასაკის ქალებს; შეზღუდული შესაძლებლობის მქონე პირებს; იძულებით გადაადგილებულ პირებს; და მათ, ვინც სამუშაო და შემოსავალი პანდემიის შედეგად დაკარგეს.

საგრანტო კონკურსის დაფინანსება 500-დან 5,000-მდე ევროს შეადგენს. ამასთან, აპლიკანტის წილი პროექტის მთლიანი ბიუჯეტის მინიმუმ 10% უნდა იყოს.

განაცხადების შეტანის ბოლოო ვადაა 25 თებერვალი.

დამატებითი ინფორმაცია 

პრესრელიზი