„ევროკავშირის პრიზი ჟურნალისტიკაში“: განაცხადები 1 ნოემბრამდე მიიღება
სექტემბერი 1, 2022

„ევროკავშირის პრიზი ჟურნალისტიკაში“: განაცხადები 1 ნოემბრამდე მიიღება


გამოცხადდა კონკურსი, „ევროკავშირის პრიზი ჟურნალისტიკაში 2022“. მონაწილეობის მსურველ ჟურნალისტებს განაცხადების შეტანა 1 ნოემბრამდე შეუძლიათ.

კონკურსს, „ევროკავშირის პრიზი ჟურნალისტიკაში“, საქართველოში საფუძველი ევროკავშირის წარმომადგენლობამ 2012 წელს ჩაუყარა. ის ქართულ ჟურნალისტიკაში პროფესიონალიზმის და ეთიკური ქცევის ხელშეწყობას ისახავს მიზნად. გარდა ამისა, ევროკავშირის სადამკვირვებლო მისია (EUMM) გასცემს სპეციალურ პრიზს კონფლიქტების საკითხზე შესრულებული საუკეთესო ჟურნალისტური ნაშრომისთვის, რომელიც ნდობისა და მშვიდობის აღდგენას ემსახურება. 

წლევანდელი კონკურსს დაემატა ახალი კატეგორია, რომელიც საუკეთესო სტუდენტურ ნამუშევარს გამოავლენს.

2022 წელს „ევროკავშირის პრიზი ჟურნალისტიკაში“ შემდეგ რვა კატეგორიაში გაიცემა:

  • საუკეთესო სტატია ბეჭდურ ან ელექტრონულ მედიაში;
  • საუკეთესო სიუჟეტი სამაუწყებლო ან ელექტრონულ მედიაში;
  • საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში;
  • საუკეთესო ელექტრონული ან ბეჭდური ბლოგი, საავტორო სტატია ან სვეტი ბეჭდურ, ელექტრონულ ან სამაუწყებლო მედიაში;
  • საუკეთესო ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში;
  • საუკეთესო დოკუმენტური ფოტო, რომელიც ასახავს ევროკავშირის ფასეულობებს (ადამიანის უფლებებს — მათ შორის უმცირესობათა უფლებებს, სოციალურ სამართლიანობას, ადამიანის ღირსების პატივისცემას, სიტყვის თავისუფლებას, დემოკრატიას, თანასწორობას და კანონის უზენაესობას) და გამოქვეყნებულია ბეჭდურ ან ელექტრონულ მედიაში;
  • კონფლიქტების თემატიკასთან დაკავშირებული საუკეთესო ჟურნალისტური ნაშრომი, რომელიც ხელს უწყობს საქართველოში მომხდარი სამხედრო კონფლიქტების კონტექსტში ნდობისა და მშვიდობის დამკვიდრებას (ევროკავშირის სადამკვირვებლო მისიის სპეციალური პრიზი მშვიდობის ჟურნალისტიკაში);
  • საუკეთესო სტუდენტური ნაშრომი ბეჭდურ, სამაუწყებლო ან ელექტრონულ მედიაში.

ევროკავშირის სადამკვირვებლო მისიის სპეციალური პრიზის მფლობელი დაჯილდოვდება ერთთვიანი სტაჟირებით ლონდონის „ომისა და მშვიდობის გაშუქების ინსტიტუტში“, სხვა გამარჯვებულებს კი ფულადი პრიზები გადაეცემათ.

ყველა კატეგორიისთვის განაცხადების შეტანის ბოლო ვადა 2022 წლის 1 ნოემბერია.

დამატებითი ინფორმაცია

პრესრელიზი

დახურვის თარიღი:

ნოემბერი 1, 2022

შესაძლებლობის ტიპი


თემაზე

ონლაინ კურსი ფრილანსერობის შესაძლებლობებზე ქვემო ქართლის, კახეთის და გურიის რეგიონებში მცხოვრებლებისთვის
იანვარი 31, 2023

ონლაინ კურსი ფრილანსერობის შესაძლებლობებზე ქვემო ქართლის, კახეთის და გურიის რეგიონებში მცხოვრებლებისთვის

EU4Culture ხელოვნების და კულტურის სფეროს წარმომადგენლებისთვის მობილობის გრანტების კონკურსს აცხადებს
იანვარი 31, 2023

EU4Culture ხელოვნების და კულტურის სფეროს წარმომადგენლებისთვის მობილობის გრანტების კონკურსს აცხადებს

ევროპის მემკვიდრეობის დღეების ისტორიების კონკურსისთვის განაცხადების მიღება დაიწყო
იანვარი 25, 2023

ევროპის მემკვიდრეობის დღეების ისტორიების კონკურსისთვის განაცხადების მიღება დაიწყო

Erasmus+: ტარტუს უნივერსიტეტი ევროკავშირ-რუსეთის ურთიერთობებსა და აღმოსავლეთ პარტნიორობაზე ონლაინ კურსს იწყებს
იანვარი 25, 2023

Erasmus+: ტარტუს უნივერსიტეტი ევროკავშირ-რუსეთის ურთიერთობებსა და აღმოსავლეთ პარტნიორობაზე ონლაინ კურსს იწყებს

<strong>სასწავლო ინიციატივა, „ევროპული სოციალური დოკუმენტური კინო“ ქართული მედიის წარმომადგენლებს კონკურსში იწვევს </strong>
იანვარი 24, 2023

სასწავლო ინიციატივა, „ევროპული სოციალური დოკუმენტური კინო“ ქართული მედიის წარმომადგენლებს კონკურსში იწვევს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,