ახალი ონლაინ პლატფორმა მცირე და საშუალო საწარმოებს იურიდიულ და ბიზნეს კონსულტაციებს სთავაზობს

ევროპის რეკონსტრუქციისა და განვითარების ბანკმა (EBRD) აამოქმედა ვებსაიტი, რომელიც აღმოსავლეთ პარტნიორობის ქვეყნების მიკრო, მცირე და საშუალო ზომის საწარმოებს იურიდიული და ბიზნეს კონსულტაციებით უზრუნველყოფს. მომსახურების მიზანია, დაეხმაროს საწარმოებს, უკეთ გაუმკლავდნენ COVID-19-ის პანდემიით გამოწვეულ პრობლემებს.

ახალი ვებსაიტი მომხმარებლებს სთავაზობს ექსპერტთა რეკომენდაციებს, რომლებიც კომპანიების მფლობელებს და მენეჯერებს დაეხმარება, მეტად ეფექტიანად იურთიერთონ მომწოდებლებთან, მომხმარებლებთან და თანამშრომლებთან, გადაჭრან საოპერაციო და ფინანსური პრობლემები და სწორად წარმართონ რესტრუქტურიზაციის პროცესი. გარდა ამისა, პლატფორმა კომპანიებს უზრუნველყოფს იურიდიული კონსულტაციებით კორპორაციულ, შრომითი უფლებების და გაკოტრების შესახებ კანონმდებლობასთან მიმართებით. ეს ის სფეროებია, რომელთან დაკავშირებულ ნოუ-ჰაუსა და ინფორმაციაზეც მცირე ბიზნესში დიდი მოთხოვნაა.

ვებსაიტზე განთავსებული ინფორმაცია ექვს მოდულად იყოფა; ესენია: 

1. ბიზნეს სტრატეგიის განვითარება;
2. პერსონალის ეფექტიანი მართვა;
3. ბიზნესის წარმატებული მართვა;
4. ბიზნესის გაციფრულება;
5. ბიზნესის ფინანსური კეთილდღეობის შენარჩუნება;
6. ბიზნესის ფინანსების რესტრუქტურიზაცია.

პლატფორმაზე ხელმისაწვდომ რჩევებს თან ერთვის შესაბამისი შაბლონები და კონკრეტული სანიმუშო შემთხვევების ანალიზი. ეს მომხმარებლებს დაეხმარება, მარტივად მოარგონ რეკომენდაციები თავიანთ ყოველდღიურ საქმიანობას. 

ვებსაიტზე ასევე ნახავთ სამ დამოუკიდებელ გვერდს საქართველოს, მოლდოვისა და უკრაინისთვის, რომლებზეც კონკრეტული ქვეყნისთვის განკუთვნილი რჩევები ადგილობრივ  ენაზეა ხელმისაწვდომი. 

დამატებითი ინფორმაცია

პრესრელიზი

ევროპის რეკონსტრუქციისა და განვითარების ბანკის ონლაინ რესურსი მცირე და საშუალო საწარმოებისთვის

 მოლდოვის, საქართველოს, და უკრაინისთვის განკუთვნილი გვერდები