საქართველოში ახალგაზრდული შესაძლებლობების ონლაინ პლატფორმა ამოქმედდა
ახალგაზრდული შესაძლებლობების ონლაინ პლატფორმა, რომელიც ევროკავშირის მხარდაჭერით შეიქმნა, 1 ივნისს გახდა ხელმისაწვდომი. ის ახალგაზრდობას სამთავრობო, არასამთავრობო და საერთაშორისო ორგანიზაციებთან დააკავშირებს.
„ახალგაზრდობის პლატფორმა“, youthplatorm.gov.ge, ერთი ფანჯრის პრინციპით მომუშავე ონლაინ სივრცეა. ის ახალგაზრდებს შესაძლებლობას აძლევს, უფრო მარტივად მოიძიონ ინფორმაცია მათთვის საინტერესო ღონისძიებების, ტრენინგების, ვორქშოფების ან საგრანტო პროგრამების შესახებ.
პლატფორმა სატესტო რეჟიმში იმუშავებს და მომხმარებელთან ურთიერთობის და მისი გამოცდილების გათვალისწინებით, მუდმივად განახლდება.
Youthplatform.gov.ge მასშტაბური პროექტია, რომელიც პროგრამის, „უნარები დასაქმებისათვის“, ფარგლებში შემუშავდა. პროგრამას ერთობლივად ახორციელებენ ევროკავშირი და მისი პარტნიორი ორგანიზაციები, რომელთა შორისაც არიან „გადავარჩინოთ ბავშვები“, ახალგაზრდობის სააგენტო, კონრად ადენაუერის ფონდი და საქართველოს ახალგაზრდულ მუშაკთა ასოციაცია.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
