საქართველოში ადამიანის უფლებების უკეთ დასაცავად საგანმანათლებლო ტრენინგთა სერია ჩატარდა

საქართველოში ადამიანის უფლებების უკეთ დასაცავად საგანმანათლებლო ტრენინგთა სერია ჩატარდა

აგვისტო 5, 2022

ევროკავშირმა და გაერომ ადამიანის უფლებების დაცვის საკითხებზე საქართველოს საჯარო და სამოქალაქო სექტორის წარმომადგენლების პრაქტიკული ცოდნით შესაიარაღებლად ძალები გააერთიანეს. ამ მიზნით მათ გასულ თვეში საჯარო მოხელეებისთვის, სამოქალაქო აქტივისტებისა და ჟურნალისტებისთვის ტრენინგთა სერია ჩაატარეს. 

ტრენინგებში სახელმწიფო უწყებების, მედიის, პროფესიული ასოციაციების და სამოქალაქო საზოგადოების წარმომადგენლები მონაწილეობდნენ. შეხვედრებზე ის ინსტრუმენტები და მექანიზმები განიხილეს, რომლებიც ქვეყანაში ადამიანის უფლებების დაცვას უწყობს ხელს. 

15-16 ივლისის ტრენინგი, რომელიც ჟურნალისტებისთვის იყო განკუთვნილი, შერიგებისა და სამოქალაქო თანასწორობის საკითხებში სახელმწიფო მინისტრის აპარატთან პარტნიორობით ჩატარდა. ტრენინგის მონაწილეებმა განიხილეს ცრუ ინფორმაციის და დეზინფორმაციის გავლენა ეთნიკურ და ეროვნულ უმცირესობათა უფლებების დაცვაზე. მსჯელობისას განსაკუთრებით გაესვა ხაზი იმ კრიტიკულ როლს, რომელსაც ჟურნალისტები სიძულვილის ენასა თუ ყალბ ინფორმაციასთან ბრძოლის და საზოგადოების უტყუარი და სანდო ინფორმაციით უზრუნველყოფის საკითხებში თამაშობენ. 

17-18 ივლისის ტრენინგს იურიდიული დახმარების სამსახურის და საქართველოს ადვოკატთა ასოციაციის იურისტები დაესწრნენ. მათ შეზღუდული შესაძლებლობების მქონე პირთა უფლებების დაცვის გზებზე იმსჯელეს. ტრენინგის მონაწილეებმა ასევე ისაუბრეს იმ გამოწვევებზე, რომლებიც საქართველოში  შეზღუდული შესაძლებლობების მქონე პირთათვის მართლმსაჯულების ხელმისაწვდომობის მხრივ არსებობს. 

19-20 ივლისს ტრენინგი ადამიანის უფლებების სფეროში მომუშავე აქტივისტებისა და ლგბტქი+ თემის უფლებების დამცველი ორგანიზაციებისთვის გაიმართა. ტრენინგის დამსწრეებმა ისწავლეს, თუ როგორ მოამზადონ და გაეროში წარადგინონ ალტერნატიული ანგარიშები და წერილობითი მოსაზრებები და როგორ გამოიყენონ გაეროს ადამიანის უფლებების მექანიზმები ადვოკატირებისა და სტრატეგიული სამართალწარმოებისთვის.

სულ ბოლოს, 28-29 ივლისს კი საქართველოს სახალხო დამცველის აპარატის თანამშრომლებმა საქართველოში ჯანმრთელობის უფლების უკეთ დაცვის გზებზე იმსჯელეს. გარდა ამისა, ტრენინგის მონაწილეებმა ამ სფეროში არსებული საერთაშორისო სტანდარტების შესახებ ცოდნაც გაიღრმავეს. 

“გაეროს განვითარების პროგრამის წევრებს მტკიცედ გვჯერა, რომ ადამიანის უფლებების პატივისცემა დემოკრატიის  საფუძველია“, — განაცხადა საქართველოში გაეროს განვითარების პროგრამის მუდმივი წარმომადგენლის მოადგილემ, ანნა  ჩერნიშოვამ, — „დემოკრატიული საზოგადოება, უპირველეს ყოვლისა, ფასდება იმით, თუ როგორ იცავს ის არა მარტო უმრავლესობის, არამედ უმცირესობების უფლებებსაც. ამის გათვალისწინებით, ჩვენ ვუერთდებით ევროკავშირს და ჩვენს პარტნიორებს ჟურნალისტების, იურისტების, სამოქალაქო აქტივისტების და ლგბტქი+ თემის მხარდამჭერი ორგანიზაციების დასახმარებლად, რათა მათ უკეთ გაიაზრონ და უკეთ დაიცვან ადამიანის უფლებები“.

პროგრამის, „ადამიანის უფლებები ყველასთვის“, საშუალებით, ევროკავშირი და გაერო საქართველოში ადამიანის უფლებების დაცვის კულტურის განვითარებას უჭერენ მხარს. ამ მიზნით, ისინი ქვეყანაში ადამიანის უფლებების ღირებულებისა და პრინციპების გარშემო საზოგადოებრივი ცნობიერების ამაღლებას ეხმარებიან. არაერთ ადგილობრივ და საერთაშორისო პარტნიორთან თანამშრომლობით, ევროკავშირი და გაერო იღვწიან საქართველოს მოქალაქეთა უფლებების და თავისუფლებების დაცვის უზრუნველყოფისთვის საქართველოს კონსტიტუციის, კანონმდებლობისა და ქვეყნის ისეთი საერთაშორისო ვალდებულებების შესაბამისად, როგორიცაა ევროკავშირთან ასოცირების შესახებ შეთანხმება, მდგრადი განვითარების დღის წესრიგი და გაეროს კონვენციები. 

დამატებითი ინფორმაცია

პრესრელიზი



თემაზე

ევროკავშირი თავის ყოველწლიურ ანგარიშში საქართველოს მიერ ასოცირების შესახებ შეთანხმების პირობების შესრულებას აფასებს
აგვისტო 16, 2022

ევროკავშირი თავის ყოველწლიურ ანგარიშში საქართველოს მიერ ასოცირების შესახებ შეთანხმების პირობების შესრულებას აფასებს

ევროკავშირის და გაეროს განვითარების პროგრამის მხარდაჭერით, ქართული სოფლები Google Maps-ზე გამოჩნდა
აგვისტო 10, 2022

ევროკავშირის და გაეროს განვითარების პროგრამის მხარდაჭერით, ქართული სოფლები Google Maps-ზე გამოჩნდა

აღმოსავლეთ პარტნიორობის ქალაქები მუნიციპალური განვითარების ახალ გზებს სახავენ 
აგვისტო 9, 2022

აღმოსავლეთ პარტნიორობის ქალაქები მუნიციპალური განვითარების ახალ გზებს სახავენ 

2008 წლის აგვისტოს რუსეთ-საქართველოს ომი: ევროკავშირი საქართველოს ტერიტორიული მთლიანობის მხარდაჭერას ადასტურებს 
აგვისტო 9, 2022

2008 წლის აგვისტოს რუსეთ-საქართველოს ომი: ევროკავშირი საქართველოს ტერიტორიული მთლიანობის მხარდაჭერას ადასტურებს 

ევროპის კვლევისა და ინოვაციის დღეები 2022 — გაიარეთ რეგისტრაცია მონაწილეობის მისაღებად
ივლისი 27, 2022

ევროპის კვლევისა და ინოვაციის დღეები 2022 — გაიარეთ რეგისტრაცია მონაწილეობის მისაღებად


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,