საქართველოს მოსახლეობა კლიმატის ცვლილებას კაცობრიობის სამ ყველაზე მნიშვნელოვან გამოწვევას შორის ასახელებს
თებერვალი 19, 2021

საქართველოს მოსახლეობა კლიმატის ცვლილებას კაცობრიობის სამ ყველაზე მნიშვნელოვან გამოწვევას შორის ასახელებს


საქართველოში მცხოვრებთაგან თითქმის ყველას, 98%-ს სმენია კლიმატის ცვლილების შესახებ. მოსახლეობის დიდი უმრავლესობის, 72%-ის აზრით კი, ის მათ სიცოცხლესა და კეთილდღეობას უშუალოდ ემუქრება. ამასთან, მართალია, უმრავლესობა იზიარებს აზრს, რომ რისკების შესამცირებლად ცხოვრების ეკომეგობრულ წესზე გადასვლაა საჭირო, რეალურად ამას ძალიან ცოტა აკეთებს. ასეთია ევროკავშირის და გაეროს განვითარების პროგრამის მიერ 11 თებერვალს გამოქვეყნებული ანგარიშის, „რა იცის საქართველოს მოსახლეობამ კლიმატის ცვლილების შესახებ, შედეგები.

ეს პირველი შემთხვევაა, როცა საქართველოს მოსახლეობა კლიმატის ცვლილების საკითხებზე საერთოეროვნული მასშტაბით გამოიკითხა. საზოგადოებრივი აზრის კვლევა კავკასიის რეგიონულმა გარემოსდაცვითმა ცენტრმა ჩაატარა. კვლევის შედეგები ეყრდნობა 1,100 პირისპირ ინტერვიუს, რომელიც 2020 წლის აგვისტოსა და სექტემბერში საქართველოს ყველა რეგიონში მცხოვრებლებთან ჩაიწერა.

ანგარიშის თანახმად, საქართველოს მოსახლეობა კლიმატის ცვლილებას კაცობრიობის წინაშე მდგარ სხვადასხვა სახის საფრთხეებს შორის მესამე ადგილზე ასახელებს. პირველ და მეორე ადგილებზე სიღარიბე და ინფექციური დაავადებები მოხვდა. საზოგადოებრივი აზრის კიდევ ერთი გამოკითხვის მიხედვით, რომელიც  გაეროს განვითარების პროგრამამ 50 ქვეყანაში ახლახან ჩაატარა,  საქართველოს მოსახლეობის 68% იზიარებს მოსაზრებას, რომ კლიმატის ცვლილება „გლობალური მასშტაბის საგანგებო სიტუაციაა“.

ევროკავშირისა და გაეროს განვითარების პროგრამის კვლევამ აჩვენა, რომ საქართველოს მოსახლეობამ თითქმის არაფერი იცის კლიმატის ცვლილებასთან დაკავშირებულ ქვეყნის მიერ ნაკისრ კონკრეტულ პოლიტიკურ ვალდებულებებზე. მაგალითად, იმ გამოკითხულთა რიცხვი, რომელთაც ერთხელ მაინც სმენიათ ემისიის შემცირების მნიშვნელოვანი ვალდებულების, „ეროვნულ დონეზე განსაზღვრული წვლილის“ შესახებ, 10%-ს არ აღემატება. ამავდროულად, საქართველოს მოქალაქეები ძალიან კარგად აცნობიერებენ კლიმატის ცვლილების შესაძლო გავლენას თავიანთ ცხოვრებაზე. ქვეყნის მოსახლეობის უმრავლესობა გლობალურ დათბობას პირდაპირ უკავშირებს ისეთ ექსტრემალურ მეტეოროლოგიურ მოვლენებს, როგორიცაა წყალდიდობა, გვალვა, სეტყვა, მეწყერი, კოკისპირული წვიმა და სხვა.

ანგარიშის მიხედვით, საქართველოს მოსახლეობის 45% თვლის, რომ კლიმატის ცვლილების შესაჩერებლად დრო ჯერ კიდევ არის, ხოლო 49% დარწმუნებულია, რომ უკვე ძალიან გვიანაა. რესპონდენტთა უმრავლესობა მიიჩნევს, რომ ადამიანების ინდივიდუალური ქცევა მნიშვნელოვანია კლიმატის ცვლილებასთან ბრძოლაში. თუმცა, გამოკითხულთა დიდი ნაწილი ამ პროცესში პირად ვალდებულებას ვერ გრძნობს და მხოლოდ 57%-ს მიაჩნია, რომ კუთვნილი პასუხისმგებლობა თავადაც უნდა აიღოს. 

ახალი კვლევა ჩატარდა ევროკავშირის მიერ დაფინანსებული პროგრამის, EU4Climate, ფარგლებში, რომელსაც გაეროს განვითარების პროგრამა ახორციელებს. ინიციატივის მიზანია, დაეხმაროს საქართველოსა და აღმოსავლეთ პარტნიორობის დანარჩენ ხუთ ქვეყანას, შეამციროს კლიმატის ცვლილებასთან დაკავშირებული რისკები და ეფექტიანად გაუმკლავდეს გლობალური დათბობის შედეგებს. ამის მიღწევის გზად კი კლიმატის ცვლილებასთან დაკავშირებული პოლიტიკის დანერგვა და სათბური გაზების ემისიის შემცირებაა დასახული.

დამატებითი ინფორმაცია

პრესრელიზი

 


თემაზე

ევროკავშირის მხარდაჭერით შიდა ქართლში ახალგაზრდული ცენტრი გაიხსნება
დეკემბერი 6, 2022

ევროკავშირის მხარდაჭერით შიდა ქართლში ახალგაზრდული ცენტრი გაიხსნება

ევროპული სამშვიდობო მექანიზმი: ევროკავშირი საქართველოს სამხედრო ძალებისთვის €20 მილიონიან დახმარების პაკეტს ამტკიცებს
დეკემბერი 2, 2022

ევროპული სამშვიდობო მექანიზმი: ევროკავშირი საქართველოს სამხედრო ძალებისთვის €20 მილიონიან დახმარების პაკეტს ამტკიცებს

ახალგაზრდა ევროპელი ელჩების ქსელს 400-ზე მეტი ახალი წევრი შეემატა
ნოემბერი 29, 2022

ახალგაზრდა ევროპელი ელჩების ქსელს 400-ზე მეტი ახალი წევრი შეემატა

ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი
ნოემბერი 25, 2022

ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი

Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 
ნოემბერი 24, 2022

Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,