16 დეკემბერს ყვარელში მდებარე ევროკლუბმა ევროკავშირისა და აშშ-ის საელჩოს მხარდაჭერით ახალი სივრცე გახსნა.
2019 წელს დაფუძნებული ახალგაზრდული ორგანიზაცია, ევროკავშირის რეგიონული საკომუნიკაციო პროგრამის, EU NEIGHBOURS east-ის მხარდაჭერით, არა მხოლოდ ყვარლის მუნიციპალიტეტის, არამედ მთლიანი კახეთის მასშტაბით იქცევა სწავლისა და განვითარების რეგიონულ ჰაბად. 2021 წლიდან მოყოლებული ყვარლის ევროკლუბი ერთ სივრცეში აერთიანებს ევროკლუბსა და „ამერიკულ თაროს“.
ყვარლის ევროკლუბის მთავარი მისიაა განათლებისა და განვითარების ხელშეწყობა, სამოქალაქო ცნობიერების ამაღლება, არაფორმალურ განათლებაზე ხელმისაწვდომობის უზრუნველყოფა და დასავლური ღირებულებების გავრცელება. ორგანიზაციის მიზანია ადგილობრივი მოსახლეობისთვის ისეთი საერთო სივრცის შექმნა, სადაც ისინი შეუზღუდავად შეძლებენ სხვადასხვა საკითხის განხილვას და ტრენინგებზე, სემინარებსა თუ ფილმის ჩვენებებზე დასწრებას.
გასული სამი წლის განმავლობაში ყვარლის ევროკლუბი 25-ზე მეტი პროექტის ფარგლებში ჩატარებული 150-ზე მეტი ღონისძიების გზით 2,500-ზე მეტ ბენეფიციარს მისწვდა. მის მიერ განხორციელებულ ინიციატივათა შორისაა ყვარლის მუნიციპალიტეტში მოქმედი მოქალაქეთა მხარდაჭერის პროგრამა, აქტივიზმის კინოკლუბი, ღია ბიბლიოთეკები, წიგნის კლუბი და ევროპის დღეების (EU4U) ფარგლებში დაგეგმილი ევროპული და დემოკრატიული ღირებულებების მხარდამჭერი კამპანია.
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,