ნივთიერებათა მოხმარების პრევენციის ევროპული კურიკულუმის სახელმძღვანელო ქართულ ენაზე გამოიცა
ევროპის ნარკოტიკებისა და წამალდამოკიდებულების მონიტორინგის ცენტრმა (EMCDDA) ნივთიერებათა მოხმარების პრევენციის ევროპული კურიკულუმის (EUPC) საქართველოზე მორგებული სახელმძღვანელო გამოსცა.
სახელმძღვანელო ქართულად EMCDDA-ის საქართველოსთან პირველი ორმხრივი თანამშრომლობის პროექტის (EMCDDA4GE) ფარგლებში ითარგმნა.
2019 წელს დაწყებული EUPC ინიციატივა მიზნად იმ მუშაკთა კვალიფიკაციის ამაღლებას ისახავს, რომლებიც ევროპაში ნივთიერებების მოხმარების პრევენციის სფეროში მუშაობენ. კერძოდ, სახელმძღვანელო შეიქმნა იმისთვის, რომ ამ სფეროში გადაწყვეტილებათა მიმღებებს, საზოგადოების აზრის შემქმნელებსა თუ პოლიტიკის განმსაზღვრელებს მტკიცებულებაზე დაფუძნებული ყველაზე შედეგიანი ჩარევებისა და მიდგომების შესახებ მიეწოდოთ ინფორმაცია.
სახელმძღვანელოს გარდა, ასევე ითარგმნა და ქვეყნის კონტექსტს მოერგო დამატებითი სამწვრთნელო მასალა, რომელთა შორისაცაა წამალდამოკიდებულების პრევენციის ევროპული ხარისხის სტანდარტები: მოკლე გზამკვლევი.
სახელმძღვანელოს ქართული თარგმანი შესრულებულია ილიას სახელმწიფო უნივერსიტეტის ტომაშ ზაბრანსკის სახელობის ადიქტოლოგიის ინსტიტუტის მიერ, EMCDDA-ის ზედამხედველობით.
დამატებითი ინფორმაცია
პრევენციის ევროპული კურიკულუმის (EUPC) სახელმძღვანელო ქართულ ენაზე
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
