i-Portunus Houses შემოქმედებითი სფეროს წარმომადგენლებისთვის მობილობის სქემის კონკურსს აცხადებს

i-Portunus Houses შემოქმედებითი სფეროს წარმომადგენლებისთვის მობილობის სქემის კონკურსს აცხადებს

ივნისი 11, 2021

პროგრამა, i-Portunus Houses, მასპინძელ ორგანიზაციებს შესაძლებლობას აძლევს, გაერთიანდნენ მხატვრებთან და/ან კულტურის სფეროს პროფესიონალებთან თანამშრომლობის და ამ უკანასკნელთა საცხოვრებელი ადგილებით უზრუნველყოფის მიზნით. პროგრამა ევროკომისიის მიერ თანადაფინანსებული i-Portunus-ის საპილოტე სქემის ფარგლებში მოქმედებს და მხატვრებისა და კულტურის სფეროს წარმომადგენლების მობილობის მოდელთა მოსინჯვას ისახავს მიზნად. 

i-Portunus Houses ღიაა მასპინძლებისთვის, — იქნება ეს ორგანიზაცია თუ კულტურის სფეროს აღიარებული პროფესიონალი, — რომელთაც 2-დან 5-მდე მხატვართან და/ან კულტურის სფეროს პროფესიონალთან  ერთ ან მეტ პროექტზე თანამშრომლობა სურთ. ეს უკანასკნელები იურიდიულად „შემოქმედებითი ევროპის“ ერთ-ერთი ქვეყნის —  მათ შორის, საქართველოს — მოქალაქეები უნდა იყვნენ. სქემაში მონაწილეობა ნებისმიერი მიდგომის თუ სამუშო მეთოდის მქონე და კულტურის  ყველა სექტორის  წარმომადგენელს შეუძლია — გარდა აუდიო-ვიზუალური სექტორებისა. COVID-19-ის გამოწვევების ფონზე, მსურველებს შერეულ მობილობასაც შესთავაზებენ.

გუნდის წევრების პოვნის ან მასპინძელთან ერთად გუნდის შექმნის მიზნით, შეგიძლიათ დარეგისტრირდეთ დაწყვილების ერთ-ერთ ონლაინ სესიაზე საბაზრო მოედნის ღონისძიებების დროს.

მობილობის მხარდაჭერისთვის გამოყოფილი მთლიანი ბიუჯეტი შეადგენს 500,000 ევროს, რომლის 30%-იც  შერეული მობილობით გათვალისწინებულ ვირტუალურ მონაწილეობას მოხმარდება. ფიზიკური მობილობის შემთხვევაში კი გუნდის წევრები მინიმუმ 7 დღისთვის მინიმუმ 1,500 ევროს მიიღებენ.

საკონკურსო წინადადებების მიღების ბოლო ვადაა 30 ივნისი. განაცხადთა მიღების მეორე ტალღა 23 აგვისტოს დაიწყება და მისი ბოლო ვადა 3 ოქტომბერი იქნება.

დამატებითი ინფორმაცია

პრესრელიზი

განაცხადის შეტანა

 




გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,