გამოკითხვის შედეგები: ევროკავშირის მოქალაქეებს კვლავ სურთ უკრაინის დახმარება და რუსულ ენერგიაზე უარის თქმა
ივნისი 17, 2022

გამოკითხვის შედეგები: ევროკავშირის მოქალაქეებს კვლავ სურთ უკრაინის დახმარება და რუსულ ენერგიაზე უარის თქმა


15 ივნისს ევრობარომეტრმა ევროკავშირის წევრ სახელმწიფოებში ჩატარებული გამოკითხვის შედეგები გამოაქვეყნა. კვლევამ დაადასტურა, რომ ევროპელების უდიდესი ნაწილი უკრაინის წინააღმდეგ რუსეთის აგრესიაზე ევროკავშირის პასუხს მხარს უჭერს. 

გამოკვლევის შედეგთა თანახმად, ევროპელების უმრავლესობა (59%) კმაყოფილია იმით, თუ რა რეაგირება ჰქონდა ევროკავშირს რუსეთის უკრაინაში შეჭრაზე. გამოკითხულთა 57% კი უშუალოდ საკუთარი მთავრობის რეაგირებასაც იწონებს. 

ევროპელების უდიდესი უმრავლესობა, უპირველეს ყოვლისა, ჰუმანიტარული დახმარების გაწევის (93%) და ევროკავშირში უკრაინელი ლტოლვილების მიღების (91%) მომხრეა. ევრობარომეტრის მიხედვით, ევროპელების 80% მხარს უჭერს ეკონომიკურ სანქციებს რუსეთის მთავრობის, რუსული კომპანიების და კერძო პირების წინააღმდეგ, ხოლო 70% მხარს უჭერს უკრაინის სამხედრო აღჭურვილობით მომარაგების და ამ აღჭურვილობის მიწოდების დაფინანსებას.

გარდა ამისა, გამოკითხვა უჩვენებს, რომ ევროპელი მოქალაქეების უმრავლესობა ეთანხმება უსაფრთხოების და თავდაცვის ერთიან პოლიტიკას (81%). მათ, ამასთან, აქვთ იმის მოლოდინიც, რომ ევროკავშირი რუსულ ენერგიაზე დამოკიდებულებას ეტაპობრივად შეამცირებს (87%).

გამოკითხვა, „სპეციალური ევრობარომეტრი 526 – ჩვენი დროის მთავარი გამოწვევები — ევროკავშირი 2022 წელს“, ევროკავშირის 27 წევრ სახელმწიფოში 2022 წლის 19 აპრილიდან 16 მაისამდე პერიოდში ჩატარდა. კვლევა დაეყრდნო როგორც პირისპირ ინტერვიუებს, ასევე ონლაინგამოკითხვებსაც. 

დამატებითი ინფორმაცია

პრესრელიზი

ევრობარომეტრი: ევროპელები უკრაინაში მიმდინარე ომის მიმართ ევროკავშირის რეაგირებას მხარს უჭერენ



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,