ევროპული საბჭო: რუსეთს სრული პასუხისმგებლობა ეკისრება ამ აგრესიაზე და ყოველგვარ დანაკარგზე, რომელსაც ის გამოიწვევს
თებერვალი 25, 2022

ევროპული საბჭო: რუსეთს სრული პასუხისმგებლობა ეკისრება ამ აგრესიაზე და ყოველგვარ დანაკარგზე, რომელსაც ის გამოიწვევს


24 თებერვალს ევროპულმა საბჭომ „უმკაცრესი ტერმინებით“ დაგმო რუსეთის ფედერაციის მხრიდან უკრაინის მიმართ განხორციელებული არაპროვოცირებული და გაუმართლებელი სამხედრო აგრესია. 

„თავისი უკანონო სამხედრო ქმედებებით რუსეთი უხეშად არღვევს საერთაშორისო კანონმდებლობას და გაეროს წესდებას. ის ძირს უთხრის ევროპის და მსოფლიოს უსაფრთხოებას და სტაბილურობას“, — აღნიშნულია ევროპული საბჭოს ხუთშაბათს საღამოს გაკეთებულ დასკვნებში, — „რუსეთს სრული პასუხისმგებლობა ეკისრება ამ აგრესიის აქტზე და ყოველგვარ ნგრევასა და ადამიანურ მსხვერპლზე, რომელსაც ის გამოიწვევს“. 

ევროპულმა საბჭომ მოსთხოვა რუსეთს, დაუყოვნებლივ შეწყვიტოს სამხედრო ქმედებები, უპირობოდ გამოიყვანოს ყოველგვარი ძალები და სამხედრო ტექნიკა უკრაინის მთელი ტერიტორიიდან და პატივი სცეს უკრაინის ტერიტორიულ მთლიანობას, სუვერენიტეტს და დამოუკიდებლობას მის საერთაშორისოდ აღიარებულ ფარგლებში. გარდა ამისა, საბჭომ მოუწოდა რუსეთს და რუსეთის მიერ მხარდაჭერილ შეიარაღებულ ფორმირებებს, პატივი სცენ საერთაშორისო ჰუმანიტარულ კანონებს და შეწყვიტონ დეზინფორმაციის კამპანია და კიბერშეტევები.

მანამდე, ევროკავშირი შემზღუდველი ზომების მიღებით გამოეხმაურა რუსეთის მხრიდან უკრაინის თვითაღიარებული სეპარატისტული ტერიტორიების აღიარებას და მისი შეიარაღებული ძალების უკრაინის საზღვრებთან განლაგებას. 24 თებერვალს ევროპული საბჭო შეთანხმდა დამატებით სანქციებზე, რომლებიც მოიცავს ფინანსურ სექტორს, ენერგეტიკისა და სატრანსპორტო სექტორებს, ორმაგი დანიშნულების პროდუქციას, ექსპორტის კონტროლსა და ექსპორტის დაფინანსებას, სავიზო პოლიტიკას, სანქცირებულ პირთა სიაში რუსი ინდივიდების დამატებას და სიისთვის ახალი კრიტერიუმების დართვას. 

საბჭომ მწუხარება გამოთქვა იმ ადამიანური მსხვერპლისა და ტანჯვის გამო, რომელიც რუსეთის აგრესიამ გამოიწვია. მისი განცხადებით, ის მტკიცედ არის დარწმუნებული, რომ საზღვრების შეცვლის მიზნით ძალის და იძულების გამოყენება 21-ე საუკუნეში დაუშვებელია.

გარდა ამისა, ევროკავშირმა მკაცრად დაგმო ბელარუსის ჩართულობა ამ აგრესიაში და მას ამგვარი ქმედებებისგან თავის შეკავებისკენ მოუწოდა. იმავდროულად, საბჭომ გადაწყვიტა, სასწრაფოდ მომზადდეს და დამტკიცდეს ინდივიდუალური და ეკონომიკური სანქციების დამატებითი პაკეტი, რომელიც ბელარუსსაც მოიცავს.

ევროკავშირი, ნათქვამია დასკვნაში, გააგრძელებს მჭიდრო თანამშრომლობას მეზობლებთან და კიდევ ერთხელ უსვამს ხაზს თავის უწყვეტ ვალდებულებას, მხარი დაუჭიროს საქართველოს და მოლდოვის რესპუბლიკის სუვერენიტეტს და ტერიტორიულ მთლიანობას. 

დამატებითი ინფორმაცია

Პრესრელიზი

ევროპული საბჭო: რუსეთს სრული პასუხისმგებლობა ეკისრება ამ აგრესიაზე და ყოველგვარ დანაკარგზე, რომელსაც ის გამოიწვევს

24 თებერვალს ევროპულმა საბჭომ „უმკაცრესი ტერმინებით“ დაგმო რუსეთის ფედერაციის მხრიდან უკრაინის მიმართ განხორციელებული არაპროვოცირებული და გაუმართლებელი სამხედრო აგრესია. 

„თავისი უკანონო სამხედრო ქმედებებით რუსეთი უხეშად არღვევს საერთაშორისო კანონმდებლობას და გაეროს წესდებას. ის ძირს უთხრის ევროპის და მსოფლიოს უსაფრთხოებას და სტაბილურობას“, — აღნიშნულია ევროპული საბჭოს ხუთშაბათს საღამოს გაკეთებულ დასკვნებში, — „რუსეთს სრული პასუხისმგებლობა ეკისრება ამ აგრესიის აქტზე და ყოველგვარ ნგრევასა და ადამიანურ მსხვერპლზე, რომელსაც ის გამოიწვევს“. 

ევროპულმა საბჭომ მოსთხოვა რუსეთს, დაუყოვნებლივ შეწყვიტოს სამხედრო ქმედებები, უპირობოდ გამოიყვანოს ყოველგვარი ძალები და სამხედრო ტექნიკა უკრაინის მთელი ტერიტორიიდან და პატივი სცეს უკრაინის ტერიტორიულ მთლიანობას, სუვერენიტეტს და დამოუკიდებლობას მის საერთაშორისოდ აღიარებულ ფარგლებში. გარდა ამისა, საბჭომ მოუწოდა რუსეთს და რუსეთის მიერ მხარდაჭერილ შეიარაღებულ ფორმირებებს, პატივი სცენ საერთაშორისო ჰუმანიტარულ კანონებს და შეწყვიტონ დეზინფორმაციის კამპანია და კიბერშეტევები.

მანამდე, ევროკავშირი შემზღუდველი ზომების მიღებით გამოეხმაურა რუსეთის მხრიდან უკრაინის თვითაღიარებული სეპარატისტული ტერიტორიების აღიარებას და მისი შეიარაღებული ძალების უკრაინის საზღვრებთან განლაგებას. 24 თებერვალს ევროპული საბჭო შეთანხმდა დამატებით სანქციებზე, რომლებიც მოიცავს ფინანსურ სექტორს, ენერგეტიკისა და სატრანსპორტო სექტორებს, ორმაგი დანიშნულების პროდუქციას, ექსპორტის კონტროლსა და ექსპორტის დაფინანსებას, სავიზო პოლიტიკას, სანქცირებულ პირთა სიაში რუსი ინდივიდების დამატებას და სიისთვის ახალი კრიტერიუმების დართვას. 

საბჭომ მწუხარება გამოთქვა იმ ადამიანური მსხვერპლისა და ტანჯვის გამო, რომელიც რუსეთის აგრესიამ გამოიწვია. მისი განცხადებით, ის მტკიცედ არის დარწმუნებული, რომ საზღვრების შეცვლის მიზნით ძალის და იძულების გამოყენება 21-ე საუკუნეში დაუშვებელია.

გარდა ამისა, ევროკავშირმა მკაცრად დაგმო ბელარუსის ჩართულობა ამ აგრესიაში და მას ამგვარი ქმედებებისგან თავის შეკავებისკენ მოუწოდა. იმავდროულად, საბჭომ გადაწყვიტა, სასწრაფოდ მომზადდეს და დამტკიცდეს ინდივიდუალური და ეკონომიკური სანქციების დამატებითი პაკეტი, რომელიც ბელარუსსაც მოიცავს.

ევროკავშირი, ნათქვამია დასკვნაში, გააგრძელებს მჭიდრო თანამშრომლობას მეზობლებთან და კიდევ ერთხელ უსვამს ხაზს თავის უწყვეტ ვალდებულებას, მხარი დაუჭიროს საქართველოს და მოლდოვის რესპუბლიკის სუვერენიტეტს და ტერიტორიულ მთლიანობას. 

დამატებითი ინფორმაცია

Პრესრელიზი


თემაზე

საქართველოში ევროკავშირის სადამკვირვებლო მისიის ახალი ხელმძღვანელი დაინიშნა
თებერვალი 2, 2023

საქართველოში ევროკავშირის სადამკვირვებლო მისიის ახალი ხელმძღვანელი დაინიშნა

ევროკავშირის და UNDP-ის კვლევა: საქართველოში ლგბტქი+ პირების  პერსონალურ მონაცემებს ხშირად ემუქრება გასაჯაროება
თებერვალი 2, 2023

ევროკავშირის და UNDP-ის კვლევა: საქართველოში ლგბტქი+ პირების  პერსონალურ მონაცემებს ხშირად ემუქრება გასაჯაროება

თბილისში მშვიდობის ჟურნალისტიკაში 2021 წლის სპეციალური პრიზის მფლობელის დოკუმენტური ფილმის პრემიერა გაიმართა
იანვარი 31, 2023

თბილისში მშვიდობის ჟურნალისტიკაში 2021 წლის სპეციალური პრიზის მფლობელის დოკუმენტური ფილმის პრემიერა გაიმართა

EIB Global-სა და კრედო ბანკს შორის მცირე ბიზნესის მხარდასაჭერად 10 მილიონი ევროს მოცულობის სასესხო ხელშეკრულება გაფორმდა
იანვარი 31, 2023

EIB Global-სა და კრედო ბანკს შორის მცირე ბიზნესის მხარდასაჭერად 10 მილიონი ევროს მოცულობის სასესხო ხელშეკრულება გაფორმდა

ჯანმოს და ევროკავშირის ახალი პლატფორმა: გაეცანით COVID-19-ის საწინააღმდეგო ვაქცინებზე ინფორმაციას ქართულ ენაზე
იანვარი 30, 2023

ჯანმოს და ევროკავშირის ახალი პლატფორმა: გაეცანით COVID-19-ის საწინააღმდეგო ვაქცინებზე ინფორმაციას ქართულ ენაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,