ევროპის რეკონსტრუქციისა და განვითარების ბანკის მხარდაჭერით თბილისში მუნიციპალური ავტოპარკი განახლდება
ევროპის რეკონსტრუქციისა და განვითარების ბანკი (EBRD) თბილისის მუნიციპალიტეტის ავტოპარკის რეაბილიტაციის მიზნით 9.6 მილიონი ევროს ოდენობის კრედიტს გასცემს. დაფინანსება „მწვანე ქალაქების“ მეორე ჩარჩო-პროექტის ფარგლებში ხორციელდება.
წარსულში ბანკმა ქალაქის მყარი ნარჩენების შეგროვების ავტოპარკის, გადამტვირთი სადგურის და ჩამდინარე წყლების შემკრები სისტემის განახლებაც დააფინანსა. ახალი პროექტი ასევე მოიცავს ავტომანქანების და მანქანა-დანადგარების შეძენას მყარი ნარჩენების შესაგროვებლად და მართვის საოპერაციო სისტემების ოპტიმიზაციას.
“რეაბილიტირებული ავტომანქანები მნიშვნელოვნად შეამცირებს ჰაერის დაბინძურებას და უსაფრთხოების რისკებს. თბილისის ეკოლოგიური მდგომარეობის გაუმჯობესების გზით, ეს პროექტი მოქალაქეებს მნიშვნელოვან სარგებელს მოუტანს“, — აღნიშნა ევროპის რეკონსტრუქციისა და განვითარების ბანკის კავკასიის რეგიონულმა დირექტორმა, კატარინა ბიორლინ ჰანსენმა.
ევროპის რეკონსტრუქციისა და განვითარების ბანკი საქართველოში მოქმედი წამყვანი საინვესტიციო ორგანიზაციაა. დღეისათვის ბანკს ფინანსების, კორპორაციულ, ინფრასტრუქტურულ და ენერგეტიკის სექტორებში მოქმედ 266 პროექტში თითქმის 4.3 მილიარდი ევრო აქვს ინვესტირებული.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
