ევროკომისარმა ოლივერ ვარჰელიმ საქართველოში ვიზიტისას აღმოსავლეთ პარტნიორობის ახალი გეგმა წარადგინა
ივლისი 19, 2021

ევროკომისარმა ოლივერ ვარჰელიმ საქართველოში ვიზიტისას აღმოსავლეთ პარტნიორობის ახალი გეგმა წარადგინა


სამეზობლო პოლიტიკის და გაფართოების საკითხებში ევროკომისარის, ოლივერ ვარჰელის აღმოსავლეთ პარტნიორობის სამხრეთ კავკასიის რეგიონის ქვეყნებში პირველი მისია 7 ივლისს საქართველოში ვიზიტით დაიწყო. 

7-9 ივლისს ვარჰელი საქართველოს, აზერბაიჯანის და სომხეთის ხელისუფლების, ბიზნესისა და სამოქალაქო საზოგადოების წარმომადგენლებს ხვდება. შეხვედრებზე ის აღმოსავლეთ პარტნიორობის ქვეყნებისთვის ახლად დამტკიცებული აღდგენის, გამძლეობისა და რეფორმების ეკონომიკურ და საინვესტიციო გეგმას  და თითოეული ქვეყნისთვის განსაზღვრულ საფლაგმანო ინიციატივებს წარადგენს. გარდა ამისა, თითოეულ ქვეყანაში ის ორმხრივი ურთიერთობების ძირითად საკითხებს განიხილავს.

საქართველოში ოლივერ ვარჰელი პრემიერ-მინისტრს, ირაკლი ღარიბაშვილს და მაღალი რანგის სხვა ოფიციალურ პირებს შეხვდა. მან დაადასტურა ევროკავშირის მხარდაჭერა საქართველოსა და მისი ხალხისადმი, რაც  COVID-19-ის კრიზისის და პოლიტიკური პოლარიზაციის წინააღმდეგ ბრძოლაში ქვეყნის დახმარებასაც მოიცავს.

„ჩვენი მიზანი ამ რეგიონის ეკონომიკური აღდგენისათვის მინიმუმ 17 მილიარდი ევროს მობილიზებაა. ამ თანხიდან 2.3 მილიარდი ევრო გრანტებს შეადგენს, ხოლო დანარჩენი იმ პროექტებსა და ინვესტიციებს მოხმარდება, რომლებსაც ჩვენს ისეთ საერთაშორისო პარტნიორებთან ერთად განვახორციელებთ, როგორიც ევროპის საინვესტიციო ბანკი და ევროპის რეკონსტრუქციისა და განვითარების ბანკია”, — აღნიშნა ევროკომისარმა.

თბილისში  ბიზნესის და ახალგაზრდობის წარმომადგენლებთან შეხვედრისას ოლივერ ვარჰელიმ მათ წინაშე არსებული  გამოწვევები და შესაძლებლობები განიხილა. მან ასევე განმარტა, რა სარგებელს მოუტანს ქვეყანას ევროკავშირის ახალი გეგმა.

დამატებითი ინფორმაცია

პრესრელიზი

სამეზობლო პოლიტიკისა და გაფართოების საკითხებში ევროკომისარის Twitter-ის ანგარიში


თემაზე

ევროკავშირის მხარდაჭერით შიდა ქართლში ახალგაზრდული ცენტრი გაიხსნება
დეკემბერი 6, 2022

ევროკავშირის მხარდაჭერით შიდა ქართლში ახალგაზრდული ცენტრი გაიხსნება

ევროპული სამშვიდობო მექანიზმი: ევროკავშირი საქართველოს სამხედრო ძალებისთვის €20 მილიონიან დახმარების პაკეტს ამტკიცებს
დეკემბერი 2, 2022

ევროპული სამშვიდობო მექანიზმი: ევროკავშირი საქართველოს სამხედრო ძალებისთვის €20 მილიონიან დახმარების პაკეტს ამტკიცებს

ახალგაზრდა ევროპელი ელჩების ქსელს 400-ზე მეტი ახალი წევრი შეემატა
ნოემბერი 29, 2022

ახალგაზრდა ევროპელი ელჩების ქსელს 400-ზე მეტი ახალი წევრი შეემატა

ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი
ნოემბერი 25, 2022

ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი

Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 
ნოემბერი 24, 2022

Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,