ევროკავშირის მხარდაჭერით, დედოფლისწყაროში პირველი ბიოსფერული რეზერვატი შეიქმნა
10 ივნისს, ბიომრავალფეროვნების საერთაშორისო დღის აღსანიშნად, კახეთში ბიოსფერული რეზერვატის ტურიზმის საინფორმაციო ცენტრი და ფრინველებზე დაკვირვების კოშკურა გაიხსნა. ორივე ინფრასტრუქტურა დედოფლისწყაროს მუნიციპალიტეტმა ევროკავშირის მიერ დაფინანსებული პროექტის, „ვაშლოვანის ბიოსფერული რეზერვატის დაარსება კახეთის რეგიონში, როგორც ინკლუზიური და მდგრადი განვითარების მოდელი“, ფარგლებში ააშენა და მოაწყო. ინიციატივის სისრულეში მოყვანა კავკასიის რეგიონულ გარემოსდაცვით ცენტრთან და საქართველოს გარემოს დაცვისა და სოფლის მეურნეობის სამინისტროსთან თანამშრომლობით გახდა შესაძლებელი.
ბიოსფერული რეზერვატი დედოფლისწყაროში მდებარე ვაშლოვანის დაცულ ტერიტორიებს მოიცავს. თუმცა, დაცული ტერიტორიისგან განსხვავებით, მასზე ნაკლები შეზღუდვები ვრცელდება, რაც გარემოს დაცვის პარალელურად, ეკონომიკური აქტივობების მეტ შესაძლებლობებს იძლევა. ტერიტორიის ახალი სტატუსი ადგილობრივ მოსახლეობას გარემოს დაცვა-შენარჩუნების პროცესსა და მდგრად ბიზნესში ჩართვის საშუალებას მისცემს.
„ეს ხელს შეუწყობს ბუნებაზე დაფუძნებული ტურიზმის განვითარებას და ადგილობრივ მოსახლეობას ეკონომიკურ და გარემოსდაცვით სარგებელს მოუტანს“, — განაცხადა დედოფლისწყაროს მერმა, ნიკოლოზ ჯანიაშვილმა.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
