ევროკავშირის განცხადებით, ის დაეხმარება უზრუნველყოფილი იქნას COVID-19-ის ვაქცინის მიღება ყველას მიერ, ვისაც ის სჭირდება

უსაფრთხო და ეფექტური ვაქცინის შექმნა ევროკავშირის კორონავირუსზე რეაგირების საფუძველია, და ევროკავშირი ვალდებულებას იღებს უზრუნველყოს ვაქცინის მიღება ყველას მიერ, ვისაც ის სჭირდება. 

გლობალური პანდემია გლობალურ გადაწყვეტას მოითხოვს, აღნიშნულია
11 იანვარს ევროკავშირის საგარეო ქმედებათა სამსახურის ვებგვერდზე გამოქვეყნებულ ანგარიშში, რომელიც აშუქებს, თუ როგორ გახდა ევროკავშირი ლიდერი ვაქცინის შექმნაში და როგორ უზრუნველყოფს ის სამართლიან წვდომას ვაქცინაზე საკუთარი მოქალაქეებისა და პარტნიორებისთვის.

ანგარიშში აღნიშნულია, რომ ევროკავშირმა დღემდე უკვე ორი ვაქცინა დაამტკიცა COVID-19-თან საბრძოლველად. კომპანიების BioNTech და Pfizer მიერ შემუშავებული პირველი ვაქცინა დამტკიცდა 2020 წლის ბოლოს, ხოლო კომპანიის Moderna მიერ შექმნილი მეორე ვაქცინა – 2021 წლის დასაწყისში. გარდა ამისა, ევროკავშირმა დაიწყო კორონავირუსზე გლობალური პასუხი რესურსების მობილიზაციის და ქვეყნების და ჯანდაცვის გლობალური ორგანიზაციების ძალების გასაერთიანებლად დიაგნოსტიკის, მედიკამენტების და ვაქცინების შემუშავების და გამოყენების დასაჩქარებლად ყველგან, სადაც ისინი საჭიროა.

„ევროკავშირს აღებული აქვს ვალდებულება დაეხმაროს იმის უზრუნველყოფას, რომ ვაქცინა ხელმისაწვდომი იყოს ყველასთვის, ვისაც ის  სჭირდება, მსოფლიოს ნებისმიერ წერტილში. სწორედ ამიტომ ჩვენ ხელს ვუწყობთ COVAX მექანიზმს. ეს გლობალური ინიციატივა აერთიანებს მთავრობებს და მწარმოებლებს იმის უზრუნველსაყოფად, რომ COVID-19 ვაქცინებმა მიაღწიოს ყველაზე გაჭირვებულ ადამიანებამდე: ვინც არ უნდა იყვნენ და სადაც არ უნდა ცხოვრობდნენ ისინი“, ნათქვამია სტატიაში.

ევროკავშირს ძირითადი წვლილი შეაქვს იმის უზრუნველყოფაში, რომ ვაქცინის ერთ მილიარდზე მეტი დოზა იყოს ხელმისაწვდომი ადამიანებისთვის დაბალ- და საშუალოშემოსავლიან ქვეყნებში 2021 წლის ბოლომდე, ასევე პარტნიორებისთვის ევროპულ სამეზობლოში და დასავლეთ ბალკანეთში.

დამატებით ინფორმაცია

პრესრელიზი