ევროკავშირი, EBRD და გერმანია საქართველოს სკოლების რეაბილიტაციას ეხმარებიან
29 ივნისს თბილისში საქართველოს საჯარო შენობების ენერგოეფექტიანობის პროგრამის დაფინანსების ხელშეკრულებებს მოეწერა ხელი. ხელშეკრულებებით გათვალისწინებული დაფინანსების მოცულობა 55.85 მილიონ ევროს შეადგენს.
პროგრამის მთავარი მიზანი სკოლის შენობების მდგრადი და სრული რეაბილიტაციაა, რაც გააუმჯობესებს როგორც ენერგოეფექტიანობას, ისე მასწავლებლების და მოსწავლეების პირობებს. პროექტი ენერგოეფექტიანობის სისტემის გამართვას და ევროკავშირის შესაბამისი დირექტივების გათვალისწინებას უწყობს ხელს. ამისათვის მთელ ქვეყანაში დიდი რაოდენობით საჯარო სკოლის რეაბილიტაციის პროცესში ენერგოეფექტიანობის ახალი სტანდარტები გამოიყენება.
ხელშეკრულებებს, ძირითადად, გერმანია დააფინანსებს, ხოლო ევროკავშირი დამატებით 12.65 მილიონი ევროს მოცულობის გრანტს გამოყოფს.
ენერგოეფექტიანობის პროგრამა „ევროპის გუნდის“ უფრო ფართო ინიციატივის ნაწილია, რომელიც ევროპის რეკონსტრუქციისა და განვითარების ბანკთან (EBRD) და ევროკავშირთან ერთად შემუშავდა. პროგრამის განსახორციელებლად მიმდინარე წლის დასაწყისში EBRD-მა — 40 მილიონ ევრომდე ოდენობის სესხი, ხოლო ევროკავშირმა 13 მილიონი ევროს ოდენობის გრანტი გამოყო.
დამატებითი ინფორმაცია
ყველაზე წაკითხული
თემაზე
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
CENN სოციალურ მომსახურებათა გასაუმჯობესებლად საგრანტო კონკურსს აცხადებს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
