ევროკავშირი წალკის მუნიციპალიტეტის სკოლებისთვის საგრანტო კონკურსს იწყებს
ევროკავშირის მიერ დაფინანსებულმა პროექტმა, „ეს წალკაა“, წალკის მუნიციპალიტეტის სკოლებისთვის საგრანტო კონკურსი გამოაცხადა. გაღებული დაფინანსება ადგილობრივ სკოლებს მუნიციპალიტეტში გარემოსდაცვითი დღეების ჩატარებაში დაეხმარება.
გრანტების გაცემისას უპირატესობა მიენიჭება ინიციატივებს, რომლებიც გარემოსდაცვით დღეებს მუნიციპალიტეტის სხვა სკოლებთან, ეთნიკურ და რელიგიურ უმცირესობებთან და საზოგადოების დაუცველ ჯგუფებთან ერთად აღნიშნავენ. ამასთან, დაფინანსების მიღების კარგი შანსი ექნებათ იმ პროექტებსაც, რომლებიც ერთზე მეტ გარემოსდაცვით დღეს აღნიშნავენ.
თითოეული გრანტის მაქსიმალური ოდენობა 1000 ევროა. კონკურსში მონაწილე პროექტებმა თავიანთი საქმიანობა 2021 წლის აპრილიდან 2022 წლის სექტემბრამდე უნდა განახორციელონ. განცხადების შეტანის ბოლო ვადაა 5 აპრილი.
პროექტის, „ეს წალკაა“ მიზანია, განათლებისა და ინოვაციების დახმარებით დაუჭიროს მხარი წვრილ ფერმერებს, მეწარმეებს, ქალებს, ახალგაზრდებს და სხვა ადგილობრივ ჯგუფებს. ინიციატივა სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში ხორციელდება.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
