EU4Youth გორში ინოვაციური ცოდნის ჰაბს ხსნის 
აპრილი 29, 2021

EU4Youth გორში ინოვაციური ცოდნის ჰაბს ხსნის 


პროექტმა, EU4Youth, 23 აპრილს გორში ახალი სასოფლო ინოვაციური ცოდნის ჰაბი გახსნა. პროექტი კავკასიის გარემოსდაცვითი არასამთავრობო ორგანიზაციების ქსელის (CENN) და საზოგადოება „ბილიკის“ მხარდაჭერით განხორციელდა.

ინოვაციური ცოდნის ჰაბის მიზანია, ადგილობრივ ახალგაზრდებს 

სოციალური და მწვანე მეწარმეობის განვითარებაში დაუჭიროს მხარი. ეს სამუშაო სივრცე შიდა ქართლში მცხოვრები ახალგაზრდებისთვის იქნება ხელმისაწვდომი. ცენტრი რეგულარულად უმასპინძლებს გარემოსდაცვით და ახალგაზრდულ კამპანიებს. ამასთან, აქ ბენეფიციარებს შეეძლებათ, შეხვდნენ სხვადასხვა სფეროს წარმომადგენლებს და გამართონ საჯარო დისკუსიები თუ საგანმანათლებლო ღონისძიებები. 

ცენტრის გახსნის ცერემონიაზე გაშუქდა CENN-ისა და საზოგადოება „ბილიკის“ მიერ გადადგმული ის ნაბიჯები, რომელთა მეშვეობითაც ახალგაზრდების სამეწარმეო და საგანმანათლებლო საქმიანობაში ჩართვა წახალისდა. ღონისძიების დამსწრეებს, ამასთან, კლიმატის ცვლილების სფეროში გამართული ახალგაზრდული კონკურსისთვის მიძღვნილი გამოფენის დათვალიერების შესაძლებლობაც მიეცათ.

ინოვაციური ცოდნის ჰაბი პროექტის, „EU4Youth: სოციალური მეწარმეობის ეკოსისტემის განვითარება (SEED) მწვანე ზრდისათვის“, ფარგლებში შეიქმნა. პროექტს კავკასიის გარემოსდაცვითი არასამთავრობო ორგანიზაციების ქსელი (CENN) კახეთის რეგიონული განვითარების ფონდთან (KRDF) და Green Lane-თან (სომხეთი) თანამშრომლობით ახორციელებს. მისი მიზანია, ხელი შეუწყოს შედარებით დაუცველი მუნიციპალიტეტების სამეწარმეო პოტენციალის გაზრდასა და ახალგაზრდობის სამეწარმეო შესაძლებლობების გაუმჯობესებას.


თემაზე

ევროკავშირის მხარდაჭერით შიდა ქართლში ახალგაზრდული ცენტრი გაიხსნება
დეკემბერი 6, 2022

ევროკავშირის მხარდაჭერით შიდა ქართლში ახალგაზრდული ცენტრი გაიხსნება

ევროპული სამშვიდობო მექანიზმი: ევროკავშირი საქართველოს სამხედრო ძალებისთვის €20 მილიონიან დახმარების პაკეტს ამტკიცებს
დეკემბერი 2, 2022

ევროპული სამშვიდობო მექანიზმი: ევროკავშირი საქართველოს სამხედრო ძალებისთვის €20 მილიონიან დახმარების პაკეტს ამტკიცებს

ახალგაზრდა ევროპელი ელჩების ქსელს 400-ზე მეტი ახალი წევრი შეემატა
ნოემბერი 29, 2022

ახალგაზრდა ევროპელი ელჩების ქსელს 400-ზე მეტი ახალი წევრი შეემატა

ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი
ნოემბერი 25, 2022

ევროპარლამენტმა ოკუპირებულ ტერიტორიებზე რუსეთის მიერ გაცემული პასპორტების არაღიარებას დაუჭირა მხარი

Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 
ნოემბერი 24, 2022

Erasmus+ 2023 განათლების, ტრენინგის, ახალგაზრდობის და სპორტის სფეროებში მობილობის და თანამშრომლობის მხარდამჭერ კონკურსს აცხადებს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,