EU4Digital ე-კომერციულ მონაცემთა ავტომატური გაცვლის საპილოტე პროექტს იწყებს
პროგრამამ, EU4Digital, ე–კომერციულ მონაცემთა ავტომატური გაცვლის საპილოტე პროექტი დაიწყო. პროექტის მიზანია, შექმნას ეროვნული ვირტუალური საწყობები საქართველოში, აზერბაიჯანსა და სომხეთში საცალო მოვაჭრეების, ბაზრების, მიწოდების ოპერატორების, მომხმარებლების და საბაჟოს მხარდასაჭერად. საწყობში განთავსდება საზღვარგარეთ გასაყიდი პროდუქტები, რაც სახელმწიფოთაშორის ვაჭრობას შეუწყობს ხელს.
პროექტის მეშვეობით გაძლიერდება ე–კომერციის ეკოსისტემა და გაიზრდება ე–კომერციის მოცულობები. მთლიანობაში, პროექტი სახელმწიფოთაშორის ე–კომერციულ ვაჭრობაში არსებული გამოწვევების გადაჭრაში შეიტანს წვლილს. ამასთან, საქართველოში განხორციელებულ საპილოტე პროექტს დამატებითი ამოცანაც აქვს. ის ევროკავშირთან იმ კომპანიების ე–კომერციული საქმიანობის მხარდაჭერაზე კონცენტრირდება, რომლებსაც ქალები ხელმძღვანელობენ.
საპილოტე პროექტის ფარგლებში რამდენიმე კომპანიამ ვირტუალური საწყობის საშუალებით უკვე გაყიდა საკუთარი პროდუქტი გერმანიაში. ეს კომპანიებია: ხის ხელნაკეთი აქსესუარების გამყიდველი აზერბაიჯანიდან; წინდების გამყიდველი სომხეთიდან; და ქალების მიერ მართული ორი კომპანია საქართველოდან, რომლებიც საბავშვო ტანსაცმელს და ახალმოსახლეობის აღსანიშნავ ეკოლოგიურ საჩუქრებს აწარმოებენ.
დამატებითი ინფორმაცია
პროგრამის, EU4Digital, ე–კომერციის საპილოტე პროექტის კონცეფცია და მიზანი.
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
