EBRD-ის ლიტერატურული პრემია „ვარშავის მეფეს“ გადაეცა, ქართული წიგნი კი  ფინალისტებს შორის მოხვდა

შჩეპან ტვარდოხის რომანი, „ვარშავის მეფე“, რომელიც პოლონურიდან შონ გასპერ ბაიმ თარგმნა, ევროპის რეკონსტრუქციისა და განვითარების ბანკის (EBRD) 2021 წლის ლიტერატურული პრემიის გამარჯვებულია.

კონკურსი იმ მცირერიცხოვან  საერთაშორისო ლიტერატურულ პრემიებს შორისაა, რომლებიც ავტორის და მთარგმნელის ღვაწლს თანაბრად აფასებს. ევროპის რეკონსტრუქციისა და განვითარების ბანკი პრემიას გადასცემს საუკეთესო რომანს, რომლის ორიგინალიც ერთ–ერთი იმ ქვეყნის ენაზეა დაწერილი, სადაც ბანკი საინვესტიციო საქმიანობას ახორციელებს. 

გამარჯვებულ რომანთან ერთად პირველ სამ ფინალისტს შორის იყო ქართველი ავტორის, ნანა ექვთიმიშვილის წიგნი, „მსხლების მინდორი“, რომელიც ინგლისურიდან ელიზაბეტ ჰეივეიმ (Peirene Press) თარგმნა. მესამე ფინალისტი კი გახლდათ რუმინელი მწერლის, მატეი ვიშნეკის წიგნი,  „მისტერ კ. თავისუფალია“. ამ ავტორებს და მთარგმნელებს ცალკეული წიგნისთვის 8,000 ევროს ოდენობის პრემია გადაეცემათ. მთავარ პრიზს კი — 20,000 ევროს „ვარშავის მეფის“ ავტორი და მთარგმნელი გაინაწილებენ.

დამატებითი ინფორმაცია

პრესრელიზი