დარეგისტრირდით და მიიღეთ მონაწილეობა 2022 წლის EU4Youth დღეებში!
წლევანდელი EU4Youth დღეები 11-12 ოქტომბერს გაიმართება და მასზე დასასწრებლად რეგისტრაციის გავლა უკვე შესაძლებელია. ღონისძიებაზე პირველად შეიკრიბებიან ახალგაზრდა მუშაკები, პოლიტიკოსები და მკვლევრები ევროკავშირის აღმოსავლეთ პარტნიორობის და სამხრეთ სამეზობლოს რეგიონებიდან, დასავლეთ ბალკანეთის ქვეყნებიდან და თურქეთიდან.
ორი დღის განმავლობაში ღონისძიების მონაწილეები იმსჯელებენ ისეთ საკითხებზე, როგორიცაა ახალგაზრდების ჩართულობა პოლიტიკაში, მათი დასაქმება თუ სამეწარმეო შესაძლებლობები და მწვანე და ციფრული გარდაქმნა. ევროპის ახალგაზრდობის წელი 2022 ხაზს უსვამს იმას, თუ რამდენად მნიშვნელოვანია ახალგაზრდების როლი უკეთესი, მეტად მწვანე, ინკლუზიური და ციფრული მომავლის შექმნაში.
EU4Youth დღეების პირველი დღე ბრიუსელში გაიმართება და მასზე ონლაინ დასწრებას მხოლოდ რეგისტრირებული მონაწილეები შეძლებენ. ამ დღეს სამივე რეგიონის წარმომადგენლები განიხილავენ იმას, თუ როგორაა შესაძლებელი ახალგაზრდებთან პარტნიორული ურთიერთობების აგება და მათთვის მნიშვნელოვანი გამოწვევების ერთიანი ძალებით გადაჭრა.
ღონისძიების მეორე დღე სრულად ონლაინ რეჟიმში გაიმართება. ვირტუალური სესიის მონაწილეები ევროკავშირსა და მის საზღვრებს გარეთ მცხოვრები ახალგაზრდების მხარდაჭერასთან დაკავშირებულ თემებზე ისაუბრებენ.
ეწვიეთ EU4Youth დღეების ვებსაიტს, რათა გაიგოთ მეტი და დარეგისტრირდეთ ღონისძიებაზე ონლაინ დასასწრებლად.
დამატებითი ინფორმაცია
თემაზე
ევროპის განათლების ფონდის 2024 წლის სამუშაო პროგრამაში განსაკუთრებული ყურადღება კანდიდატ ქვეყნებს დაეთმობა
სალომე ზურაბიშვილი ყვარლის ევროკლუბის 4 წლის საიუბილეო ღონისძიებას ეწვია
ევროკავშირმა, საფრანგეთმა, გერმანიამ და საქართველომ ქვეყნის მწვანე გარდაქმნის მხარდასაჭერი რეფორმების პროგრამა მიიღეს
ევროკავშირის დაფინანსებითა და UNDP-ის მხარდაჭერით, საქართველოს მთავრობამ სოფლის განვითარების თემაზე კონფერენცია ჩაატარა
ევროპარლამენტი რუსული საოკუპაციო ძალების მიერ თამაზ გინტურის მკვლელობას და ლევან დოთიაშვილის გატაცებას გმობს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
